विश्व कीर्तिमानी सानु शेर्पा जाडोयाममा मकालु हिमालको आरोहण गर्दै

पौष २३, सोलुखुम्बु । विश्व कीर्तिमानी पर्वतारोही तथा गाइड सानु शेर्पा मकालु हिमालको आरोहण गर्न मकालु हिमालको आधार शिविरतर्फ प्रस्थान गरेका छन् । विश्वको पाँचौं अग्लो हिमाल मकालु हिमालको गाइड सानु शेर्पाले आफनो क्लाइटलाई गाइड गर्दै आरोहण गर्न लागेको जानकारी गराए । उनी विश्वमा रहेका ८ हजार मिटरभन्दा अग्ला १४ हिमालको दोहोर्याएर आरोहण गर्ने पहिलो व्यक्ति हुन् । अब उनले तेस्रो पटक १४ वटै शिखरहरु आरोहण गर्न ६ वटा हिमालहरु मात्र बाँकी रहेका छन् ।

मकालुु हिमालको यो उनको तेस्रो पटक आरोहण हुने छ । त्यस्तै, तेस्रो पटक आरोहण गर्न नेपाल र चीनको हिमालहरु मात्र बाँकी रहेको छ । तेस्रो पटक आरोहण गरी सक्न बाँकी रहेका १४ वाटै हिमालहरु मध्ये छ वटा हिमालको आरोहण गर्न अब केही दुरीमा मात्र रहेको छ । विश्वका १४ वटा हिमालहरु तेस्रो पटक आरोहण गर्ने योजना बारे उनीसँग प्रश्न गर्दा हाल यसबारे केही योजना नरहेको र आरोहण गर्न बाँकी रहेका हिमालहरुको आरोहण गर्छ कि गर्दैन भन्नेमा हाल त्यस्तो केही योजना नरहेको बताउछन् ।

संखुवासभाको मकालु गाउँपालिका–१ स्थायी घर भएका शेर्पाले हालसम्म सगरमाथा ८ पटक, गोसेव्र्रुम–२ तीन पटक, गोसेव्र्रुम–१ तीन पटक, केटु तीन पटक, कञ्चनजंग दुई पटक, ल्होत्से तीन पटक, मकालु दुई पटक, मनास्लु तीन पटक, नागा पर्वत तीन पटक, सिंसापाङ्मा दुई पटक, अन्नपर्ण दुई पटक, चोयु दुई पटक, ब्रोड पीक तीन पटक, धौलागिरी दुई पटक आरोहण गरिसकेका छन् । सन् २००५ मा काठमाडौँ आएर ट्रेकिङ भरियाको रूपमा काम गर्ने मौका पाएका उनले पहिलो पटक सन् २००६ मा ८ हजार मिटरभन्दा अग्लो हिमाल चोयुको सफल आरोहण गरेका थिए ।