थुलुङमा छैटौं अध्यक्ष रनिङ शिल्ड तथा पाँचौं राष्ट्रपति रनिङ शिल्ड प्रतियोगिता सुरु

पौष २५, सोलुखुम्बु । सोलुखुम्बुको थुलुङ दुधकोशीमा छैटौं अध्यक्ष रनिङ शिल्ड तथा पाँचौं राष्ट्रपति रनिङ शिल्ड प्रतियोगिता सुरु भएको छ । बिहिवार थुलुङदुधकोशी गाउँपालिका अध्यक्ष असिम राई तथा प्रदेश सभा सदस्य गोम्बु शेर्पाको प्रमुख आतिथ्यतामा सुरु भएको हो । राष्ट्रपति रनिङ शिल्ड प्रतियोगितामा पालिका भित्रका १० वटा माध्यमिक विद्यालयले सहभागिता जनाएको गाउँपालिकाका प्रवक्ता भोजराज कार्कीले जानकारी दिनुभयो ।

उहाँका अनुसार अध्यक्ष कपका लागि संघीय संरचना अनुसारका वडाबाट महिला तथा पुरुष खेलाडीहरुको सहभागीता रहेको छ । उक्त कार्यक्रममा कृषि मेला प्रदर्शन गरिनुका साथै स्थानिय खानाको परिकार समेत प्रदर्शन गरिने गाउँपालिकाले जनाएको छ । कार्यक्रममा मनोरञ्जनका लागि सांगितिक साँझको समेत आयोजना गरिने भएको छ । सांगितिक कार्यक्रमको लागि स्थानिय कलाकारको साथमा ख्याती प्राप्त गायक कुमार प्रयास, शिव परियारको उपस्थिति रहने भएको छ । प्रतियोगित पौष २९ गते सम्म जारी रहने भएको छ ।