खोटाङको दिप्रुङमा आगलागी, ६ लाख बराबरको क्षति

जेठ ५, सोलुखुम्बु ।  खोटाङको दिप्रुङ चुइचुम्मा गाउँपालिकामा आगलागीबाट घर जल्दा ६ लाखको क्षति भएको छ ।  शनिवार दिउँसो १ बजे गाउँपालिकाको वडा नम्बर ५ वातिखुमका राम कुमार राईको एक तले ढुंगाका माटोले बनेको घर जल्दा करिव ६ लाख बराबरको क्षति भएको जिल्ला प्रहरी कार्यालय खोटाङका प्रहरी निरीक्षक बेनु कार्कीले जानकारी दिनुभयो ।

राईको घर जल्दा घर भित्र भएका सामान सहित उक्त घरमा भाडामा बस्ने  खोटेहाङ गाउँपालिका वडा नम्बर ४ की तारा राईको डेल कम्पनीको ल्यापटप १ थान, रेड्मी मोबाइल १ थान सहित घरको लालपुर्जा, बिमा कार्ड र नगद ९ हजार ५ सय जलेको प्रहरी निरीक्षक कार्कीले बताउनुभयो । आगलागीको कारण विद्युत सर्ट भएको हुनसक्ने प्रहरीको प्रारम्भिक अनुमान छ ।  

आगलागी भएको सूचना प्राप्त भएपछि प्रहरी चौकी दिप्रुङबाट खटिएको पहरी टोली र स्थानीयको सहयोगमा दिउँसो १ बजेर ३इ मिनेटमा आगो नियन्त्रणमा लिइएको र घटनाबाट मानवीय वा पशुचौपाया क्षति नभएको प्रहरीले जनाएको छ ।