महाकुलुङमा ३ दिने कथा बुनौ तालिम सम्पन्न, व्यक्तिगत तथा बाल क्लवको क्षमतामा अभिवृद्धि हुने सहभागीको भनाई

पौष २६, सोलुखुम्बु । सोलुखुम्बुको महाकुलुङ गाउँपालिकामा ३ दिने कथा बुनौ तालिम सम्पन्न भएको छ । पहाडी विकास तथा संरक्षण समूह नेपालको आयोजनामा बाल क्लवका सदस्यहरुको क्षमता अभिवृद्धि सम्बन्धि ३ दिने कथा बुनौ तालिम आज शुक्रबार सम्पन्न भएको हो । जी फाउन्डेसनको सहयोगमा पहाडी विकासले महाकुलुङ गाउँपालिकामा सन्चालन गरिरहेको शिक्षामा समता कार्यक्रम अन्तर्गत सगरमाथा माध्यमिक विद्यालय बुङ, जनसुधार आधारभूत विद्यालय बुङ साद्दी र पेल्माङ आधारभूत विद्यालय पेल्माङ गरि प्रत्येक विद्यालयबाट बाल क्लव प्रतिनिधि पाँच/पाँच जना विद्यार्थी र बाल क्लब संरक्षक एक/एक जना शिक्षक गरि जम्मा १८ जनाको सहभागी रहेको पहाडी विकासका शिक्षा अधिकृत नन्दराज कुलुङले बताउनुभयो ।

कार्यक्रम विद्यार्थीको क्षमता अभिवृद्धि गर्ने उद्देश्य अनुरुप सन्चालन भएको पहाडी विकासको कार्यक्रम अधिकृत जित्न जनम राईले बताएको छ । कार्यक्रम अधिकृत राईको अनुसार विद्यार्थीहरुले माझमा बोल्ने, विषयवस्तु छनोट तथा उत्थान गर्ने, लेख्ने र प्रस्तुत गर्ने जस्ता विषयमा सहजीकरण समावेश गरिएको सहर्की उदव कुलुङले जानकारी दिनुभयो । कार्यक्रम समापनको क्रममा विद्यार्थी प्रतिनिधि सुश्मा कुलुङले यो कार्यक्रममा भाग लिएपछि व्यक्तिगत तथा बाल क्लवको क्षमतामा अभिवृद्धि हुने बताउनुभएको छ । ३ दिन सन्चालन भएको तालिममा क्यानोपी नेपालको कार्यक्रम व्यवस्थापक अन्जुला जोशी र अनिशा रोकाले सहजीकरण गरेको थियो ।

कार्यक्रम पहाडी विकासका अध्यक्ष भलाकाजी कुलुङको अध्यक्षता तथा महाकुलुङ गाउँपालिकाको सामाजिक विकास संयोजक पर्खी धन राईको प्रमुख आतिथ्यमा सम्पन्न भएको छ । त्यस्तै समापन तालिममा महाकुलुङ गाउँपालिकाको निमित्त प्रमुख प्रशासकीय अधिकृत झमक बहादुर कटुवाल, जी फाउन्डेसन नेपालको कृषि प्राविधिक ईश्वर कुमार बस्नेत लगायतको उपस्थिति रहेको थियो ।