ओखलढुगांको खिजिदेम्बामा आगलागी हुँदा २२ लाख बराबरको क्षति

पौष २७, सोलुखुम्बु । ओखलढुगांको खिजिदेम्बा गाउँपालिकामा आगलागी हुँदा २२ बराबरको क्षति भएको छ । गाउँपालिका वडा नम्बर ५ खिजिफलाटे बजारको बसपार्क क्षेत्रमा हरेको लक्ष्मी तामाङको घरमा आगलागी भएको जिल्ला प्रहरी कार्यालय ओखलढुगांले जनाएको छ । तामाङको घरमा घरमा सञ्चालन गरिएको कपडा पसल र होटेल पूर्ण रूपमा जलेर नष्ट भएको जिल्ला प्रहरी कार्यालय ओखलढुङ्गाका प्रहरी निरीक्षक विजय कार्कीले जानकारी दिनुभयो ।

उहाँका अनुसार काठ र जस्ताले बनेको तामाङको एक तले घरमा खिजिदेम्बा गाउँपालिका–३ का विनोद सुनुवारको कपडा पसल र वडा नम्कर ५ का दशरथ सुनुवारले सञ्चालन गर्नु भएको होटेल पसल पूर्ण रूपमा जली नष्ट भएको छ । गए राति करिब १ बजेको समयमा आगलागी भएको थियो । विधुत सर्ट भएर आगलागी भएको हुन सक्ने प्रहरी र स्थानीयको अनुमान छ ।

आगलागीका कारण नजिकै रहेको ङवाङफुरी शेर्पाको एक तले पक्की घरको दुई वटा झ्याल, निमा तामाङको तीन तले पक्की घरको पहिलो र दोस्रो तलाको चार वटा झ्याल र गोपाल विकको चार तले घरको पाँच वटा झ्याल जलेर क्षति पुगेको प्रहरीले जनाएको छ । आगलागीबाट भएको पूर्ण विवरण आउन बाँकी रहेको र सङ्कलनको काम भइरहेको जिल्ला प्रहरी कार्यालय ओखलढुङ्गाले जनाएको छ ।