पौष २८, सोलुखुम्बु । ओखलढुंगाको सुनकोशी गाउँपालिका वडा नम्बर ९ ककनीमा आगलागी हुँदा करिब १५ लाख बराबरको क्षति भएको छ । आईतबार बिहान मेख बहादुर तामाङको भान्सा घरबाट बालेको आगो अचानक सल्किदा साढे १५ लाख बराबरको क्षति भएको हो । आगलागीबाट तामाङको फुसको छानो भएको भान्सा घर र ढुङगा माटोको गारो, जस्ताको छानो भएको १ तले घरमा क्षति पुगेको जिल्ला प्रहरी कार्यालय ओखलढुगांका प्रहरी निरीक्षक एवं सूचना अधिकारी विजय कार्कीले जानकारी दिनुभयो ।
उहाँका अनुसार आगलागिबाट घरसँगै घर भित्र रहेको सुनको तिलहरी १ तोला, नगद ३५ हजार, अन्नपात, लत्ता कपडा, भाँडा वर्तन समेत पुर्ण रुपमा जलेर नष्ट भएको छ । आगलागी स्थानिय र प्रहरीको सकृयतामा करिब ३ घण्टा पछी पुर्ण रुपमा नियन्त्रणमा लिइएको छ । आगलागीबाट अन्य मानविय तथा पशु चौपायामा क्षति नभएको प्रहरीले जनाएको छ ।
Discussion about this post