काम गरिरहेकाे डोजरमाथि ढुङ्गा खस्यो

जेठ ६ सोलुखुम्बु ।  सोलुखुम्बुको खुम्बु पासाङल्हामु गाउँपालिकामा डोजर दुर्घटनामा परेको छ ।  गाउँपालिकाको वडा नम्बर १ मा सडक निर्माण गरिरहेको एनएस कम्पनीको डोजरमाथि शनिवार दिउँसो ढुंगा खस्दा दुर्घटना ग्रस्त बने जिल्ला प्रहरी कार्यालय सोलुखुम्बुले जनाएको छ ।

थामडाँडाबाट खरिखोला जाने ङिङ दोर्जी शेर्पा पर्यटक सडक फराकिलो बनाइरहेको बा ३ क ४०६४ नम्बरको डोजरमाथि ढुङ्गाकाे पहिराे खस्दा उक्त डोजर आंशिक रुपमा पुरिएको जिल्ला प्रहरी कार्यालय सोलुखुम्बुका प्रहरी नायब उपरीक्षक द्वारिका प्रसाद घिमिरेले जानकारी दिनुभयो । दुर्घटना ग्रस्त डोजरका चालक सोताङ गाउँपालिकाका २५ वर्षीय निरज बस्नेत सकुशल रहेको प्रहरीले जनाएको छ ।