टानका वरिष्ठ उपाध्यक्ष शेर्पाद्धारा नेचासल्यानका बालबालिकालाई झोला वितरण

माघ २, सोलुखुम्बु । नेपाली काङ्ग्रेस (ख) प्रदेश सभापति एवम् टानका वरिष्ठ उपाध्यक्ष कर्मा शेर्पाले विद्यार्थीहरुलाई नि : शुल्क झोला वितरण गर्नुभएको छ । मंगलबार शेपाले सोलुखुम्बुको नेचासल्यान गाउँपालिका ३ स्थित शहीद नरनाथ आविका विद्यार्थीलाई स्कुल झोला वितरण गर्नुभएको हो । नेचा सल्यान ३ निवासी शिक्षा प्रेमी, समाजसेवी भलकाजी भण्डारी र बाबुराम भट्टराईको सहजीकरणमा शहिद नरनाथ आविका सम्पुर्ण विद्यार्थीहरुका लागि नि :शुल्क रुपमा झोला वितरण गर्नुभएको सहकर्मी सोभित ढुगेंलले जानकारी दिनुभयो ।

नेचासल्यान गाउँपालिका अध्यक्ष धनजन राईको प्रमुख आतिथ्य तथा व्यवस्थापन समिति अध्यक्ष धुर्व भण्डारीको सभापतित्वमा झोला वितरण गरिएको जनाईएको छ । विद्यार्थीहरुलाई शिक्षा क्षेत्रमा हौसला प्रदान गर्ने उद्देश्यले झोला वितरण गरिएको शेर्पाले बताउनुभएको छ । उक्त कार्यक्रममा विभिन्न पार्टीका प्रतिनिधि, शिक्षा प्रेमी, बुद्धिजीवी ,जग्गा दाता, शिक्षक, अभिभावक एवम् विद्यार्थीहरुको उपस्थिति रहेको थियो ।

केही समय अघि यस विद्यालयका विद्यार्थीहरुलाई फ्री स्टेसनरीका सामाग्री बितरण कार्य शिक्षा प्रेमी तथा समाजसेवि भलाकाजी भण्डारीले सुरुवात गर्नुभएको थियो ।