माघ ३, सोलुखुम्बु । सोलुखुम्बुको सोताङ गाउँपालिका वडा नम्बर २ खोपखर्कमा माटो परिक्षण तथा बाली उपचार शिविर सम्पन्न भएको छ । कृषि ज्ञान केन्द्र सोलुखुम्बुको आयोजनामा एक दिने शिविर बिहिबार सम्पन्न भएको हो । कृषि ज्ञान केन्द्रको प्रमुख दुर्गा बहादुर तिरुवाको अध्यक्षता तथा सोताङ गाउँपालिकाकी उपाध्यक्ष अन्जु नाछिरिङको प्रमुख आतिथ्यतामा उत्पादन वृद्धि गर्न र लागत कम गराउने उदेश्यले शिविर संचालन गरिएको थियो ।
किसानले लगाएको बालीनालीमा रोगव्याधीको समस्या पहिचान गर्न र त्यसको उपचारको प्रबन्ध मिलाउन सहज होस् भनेर बाली उपचार शिविर राखिएको ज्ञान केन्द्रका प्रमुख दुर्गा बहादुर तिरुवाले बताउनुभयो । ३२ जना कृषकहरुले सहभागीता रहेको शिविरमा वडा अध्यक्ष श्याम कुमार खालिङ, वडासदस्य अन्जना खालिङ, ज्ञान केन्द्रका सुचना अधिकारी उपेन्द्र ठाकुर र महेश शर्माको उपस्थिती रहेको थियो ।
Discussion about this post