सोलुखुम्बुमा ९ जना नगर प्रहरी दिक्षित, सिकेका सिपलाई व्यवहारमा उर्तान दिक्षित नगर प्रहरीलाई डिएसपी घिमिरेको आग्रह

माघ ४, सोलुखुम्बु । हिमाली जिल्ला सोलुखुम्बुका ९ जना नगर प्रहरी आज दीक्षित भएका छन् । जिल्लामा नगर प्रहरी आधारभूत तालिम तथा प्रशिक्षण कार्यक्रममा सहभागी ९ जना नगर प्रहरीहरूलाई दीक्षित गरिएको जिल्ला प्रहरी कार्यालय सोलुखुम्बुले जनाएको छ । जिल्लाको सोलुदुधकुण्ड नगरपालिका र खुम्बु पासाङल्हामु गाउँपालिकाको समन्वयमा जिल्ला प्रहरी कार्यालय सोलुखुम्बुले नगर प्रहरी आधारभूत तालिम तथा प्रशिक्षण कार्यक्रम आयोजना गरेको जिल्ला प्रहरी कार्यालय सोलुखुम्बुका प्रहरी नायव उपरीक्षक द्धारिका प्रसाद घिमिरेले जानकारी दिनुभयो ।

उहाँका अनुसार खुम्बु पासाङल्हामु गाउँपालिकाका ५ र सोलुदुधकुण्ड नगरपालिकाबाट ४ जना गरी ९ जना नगर प्रहरीलाई तालिम तथा प्रशिक्षण पश्चात दिक्षित गरिएको हो । तालिममा खुम्बु पासाङल्हामु गाउँपालिकाबाट नगर प्रहरी सहायक निरीक्षक १ जना, नगर प्रहरी ४ जना गरी ५ जना को सहभागिता रहेको थियो । यस्तै सोलुदुधकुण्ड नगरपालिकाबाट ४ जना नगर प्रहरीको सहभागिता रहेको बताइएको छ ।

जिल्ला प्रहरी कार्यालय सोलुखुम्बुको समन्वय तथा खुम्बु पासाङल्हामु गाउँपालिकाको प्रयासमा प्रहरी प्रधान कार्यालय तालिम निर्देशनालयबाट स्वीकृत कार्यक्रम अनुसार ४५ दिनको तालिम तय गरिएको प्रहरी नायव उपरीक्षक घिमिरको भनाई छ । दिक्षित कार्यक्रममा बोल्दै डिएसपी घिमिरेले दक्षित नगर प्रहरीहरुलाई तालिममा सिकेका सिपलाई व्यवहारमा उर्तान डिएसपी घिमिरेले आग्रह गर्नुभएको छ ।