महाकुलुङमा सकियो राष्ट्रिय खोप कार्यक्रम सम्बन्धी सरोकारवालालाई अभिमुखिकरण

माघ, सोलुखुम्बु । सोलुखुम्बुको महाकुलुङमा राष्ट्रिय खोप कार्यक्रम सम्बन्धी अभिमुखिकरण कार्यक्रम सम्पन्न भएको छ । महाकुलुङ गाउँपालिका स्वास्थ्य शाखा, बुङको आयोजनामा सोमबार एक दिने एच.पि.भी खोप अभियान २०८१ पालिका खोप समन्वय समिति, सञ्चारकर्मी र अन्य सरोकारवाला अभिमुखीकरण कार्यक्रम सम्पन्न भएको हो । अभिमुखीकरण कार्यक्रममा बोल्दै गाउँपालिका उपाध्यक्ष बिपना कुलुङले नेपाल सरकारको नीति कार्यक्रम अनुसार गाउँपालिका, वडा कार्यलय, खोप समन्वय समिति, बुद्धिजिबी, बालक्लब, विद्यालय, स्वास्थ्यकर्मी सबैले जोड दिनुपर्ने बताउनुभयो ।

पाठेघरको मुखको क्यान्सर जस्तो संवेदनशील रोगको बेलैमा पहिचान गरी उपचार गर्न महिलाहरुलाई आग्रह गर्नुभयो । पालिका भित्र सत प्रतिशत कक्षा ६ देखि १० सम्म बालबालिकालाई एच .पि.बी खोप लगाउने, विद्यालय बाहिर भएका १० बर्ष १४ बर्ष किशोरीहरुलाई सत प्रतिशत खोप लगाउने उदेश्य अनुसार काम गरिने स्वास्थ्य शाखा संयोजक हरि प्रसाद आचार्यले बताउनुभयो । कार्यक्रमको अभिमुखिकरणमा एच.पि.बि खोप तथा पाठेघर मुखको क्यान्सरको परिचय लाग्ने अवस्था, १६ वटा खोप केन्द्र १० वटा विद्यालय ६ वटा स्वास्थ्य संस्थालाई केन्द्र बनाइने भएको छ ।