डढेलो नियन्त्रणमा अहोरात्र खटिएकालाई माप्य दुधकोशीले दियो धन्यवाद

माघ ९, सोलुखुम्बु । माप्य दुधकोशी गाउँपालिकाले ठानेखोला भिरको डढेलो नियन्त्रणमा खटिएका सुरक्षकर्मी तथा सरोकारवालाहरुलाई धन्यवाद दिएको छ । गाउँपालिकाको वडा नम्बर १ र ७ को बीचमा पर्ने ठानेखोला भिरको लागेको डढेलो नियन्त्रणका लागी अहोरात्र खटिएको नेपाली सेना, सशस्त्र प्रहरी, नेपाल प्रहरी लगायत स्थानीयबासीहरुलाई धन्यवाद व्यक्त गरेको छ । यस्तै प्रमुख जिल्ला अधिकारी अनोज कुमार घिमिरेले डढेलो नियन्त्रणका लागि समन्वय गरेको भन्दै आभार प्रकट गरिएको छ । डढेलो थालडाँडा कटेर खुम्बु क्षेत्रमा पर्ने सगरमाथा सामुदायिक वन क्षेत्रको भागमा आगो फैलिएको थियो । उक्त डढेलो बुधबार बिहान नियन्त्रणमा आएपनि पूर्ण नियन्त्रणमा नआइसकेको हुँदा सजक रहन गाउँपालिकाले आग्रह गरेको छ ।