नेपाल मगर संघ ताप्लीद्धारा माघे संक्रान्ति बिशेष शुभकामना आदानप्रदान

माघ ९, सोलुखुम्बु । नेपाल मगर संघ ताप्ली उदयपुरले माघे संक्रान्ति बिशेष शुभकामना आदनप्रदान कार्यक्रम आयोजना गरिएको छ । “मगरात सभ्यता र पहिचान दस्तावेजिकरणको दशक बनाऔ, गरौं मगर हुनुमा गर्व, प्रकृति– कुलपित्र– चेलि पुजाको मूल सास्कृतिक मूल चाड्को रुपमा मनाऔं” भन्ने मूल नारा सहित कार्यक्रम आयोजना गरिएको हो । नेपाल मगर संघका केन्द्रिय सदस्य केशब खपाङगी मगरको प्रमुख आतिथ्यतामा तथा नेपाल मगर संघ ताप्लिका अध्यक्ष टोप बहादुर मगरको अध्यक्षतामा बिबिध सास्कृतिक कार्यक्रमहरु सञ्चालन गरिएको सहकर्मी ठविन्द्र मगरले जानकारी दिनुयभो ।

कार्यक्रममा मगरहरुको प्रमुख पर्व माघे संक्रान्तिको शुभकामना साथै मगर समूदायको झाकी, हुरा नाच र अन्य बिबिध सास्कृतिक कला प्रस्तुत गरिएको थियो । कार्यक्रममा उपस्थित वक्ताहरुले मगरहरुको प्रमुख चाडलाई राष्ट्रिय पर्वको रुपमा राज्यबाट पनि सुचिकृत गर्नु पर्ने, स्थानिय सरकारले समेत बिशेष बजेट बिनियोजन गरि मगरहरुको संस्कार, कला धर्म र जातिय पहिचान संरक्षण गर्ने किसिमको कार्यक्रमलाई प्राथमिकता दिनुपर्ने बताएका छन् । जातिय कार्यक्रमको लागि मात्रै भनी बजेट छुटाएर नहुने जातिय पहिचान सहितको सस्कार, रितिरिवाज अन्तरपुस्ता सम्म कायम राख्ने किसिमको कार्ययोजना सहितको बजेट व्यवस्थापन गर्नुपर्ने माग राखेका छन् ।

उँहाहरुको भनाईलाई सम्बोधन गर्दै गाउँपालिका अध्यक्ष ढुङ्गराज बिश्वकर्माल सांस्कृतिक, रितिरिवाज पहिचानका लागि आफ्नो तर्फबाट सकेसम्म कुनै अवस्थामा पनि कन्जुस्याइँ नगरी सहयोग, समन्वय र सहकार्य गर्ने प्रतिबद्धता जनाउनु भएको छ । उक्त कार्यक्रममा कोशी प्रदेश मगर संघ उपाध्यक्ष राजु मगर, जिल्ला मगर संघ अध्यक्ष हरि बहादुर आले मगर लगायतको उपस्थिती रहेको थियो ।