केपिलासगढीमा राष्ट्रपति रनिङशिल्ड शुरु, शिक्षाको सुधार प्रमुख प्राथमिक्ता –अध्यक्ष समिर राई

खोटाङको केपिलासगढी गाउँपालिकाका अध्यक्ष समिर राईले शिक्षाको गुणस्तर अभिबृद्धिका लागि आफु नेतृत्वको सरकारकाले काम गरिरहेको बताउनु भएको छ । पृथ्बि मावि बाक्सिला बजारमा आयोजित राष्ट्रपति रनिङशिल्ड प्रतियोगिताको उद्घाटन गर्नुहुँदै पालिका अध्यक्ष राईले सामुदायीक विद्यलायको पढाई सुधार गर्न आफु हरदम क्रियाशिल रहेको बताउनु भयो । वहाँले पालिकाको विकासका लागि आफुले विभिन्न तहका सरकारसँग समन्वय गरेर करोडौँको बजेट ल्याएको भन्दै पालिकाबासिको बृहत एकताले मात्रै केपिलासगढीले समृद्धि हाँसिल गर्ने धारणा राख्नु भयो । अध्यक्ष राईले पालिकाका सबै वडामा आधारभुत विकास पुगेको भन्दै सबैलाई सकरात्मक भएर सोच्न र विरोधका नाममा विरोध नगर्न आग्रह गर्नु भयो । वहाँले खेलकुदको माध्यमबाट युवा शसक्तिकरणमा टेवा पुग्ने क्रियाकलाप पालिकाले संचालन गर्ने बताउनु भयो ।

९ विद्यालय सहभागि उद्घाटन कार्यक्रममा बोल्दै पालिका उपाध्यक्ष गुरुराज राईले विपक्षिदलरुले पनि स्थानीय सरकारलाई रचनात्मक सहयोग गरेमा पालिकाको चौतर्फि विकास सम्भब हुने विचार ब्यक्त गर्नु भयो । वहाँले बर्तमान पालिका नेतृत्व जनपक्षिय कामका लागि अहोरात्र लागि परेको धारणा राख्नु भयो । सो अवसरमा प्रमुख प्रशासकीय अधिकृत सौधन राईले पालिकाले खेलकुदलाई प्राथमिक्ता दिएर काम गरेको भन्दै अनुशासित भएर खेल प्रदर्शन गर्न विद्यार्थीहरुलाई आग्रह गर्नुभयो । वहाँले खेल क्षेत्र मार्फत विश्वब्यापि रुपमा ख्याति प्राप्त गर्ने अवसर रहेको भन्दै युवाहरुलाई यस क्षेत्रमा समर्पित भएर लाग्न अपिल गर्नु भयो ।

विभिन्न विद्यालयका विद्यार्थीहरुले सांस्कृतिक प्रस्तुती दिएको उद्घाटन शत्रमा बाक्लो संख्यामा दर्शकहरुको उपस्थिति थियो । वडा नम्बर १ का वडा अध्यक्ष तथा सामाजिक विकास समिति संयोजक निरकुमार राईको सभापतित्वमा सम्पन्न उद्घाटन कार्यक्रममा पालिकामा क्रियाशिल राजनैतिक दलका प्रमुख तथा प्रतिनिधिले शुभकामना ब्यक्त गर्नुभएको थियो । पालिकाका निर्वाचित जनप्रतिनिधि, विब्यसका पदाधिकारी, प्रधानाध्यापकहरु, शिक्षक विद्यार्थी लगायत सहभागि कार्यक्रम ३ दिन चल्ने छ । एभलेटिक्स तथा भलिबल प्रतियोगिता शुक्रबारबाटै शुरु भएको कार्यक्रम संयोजक तथा शिक्षा शाखा प्रमुख सुरेन्द्र खनालले बताउनु भयो ।