माघ १३, सोलुखुम्बु । सोलुखुम्बुको सोताङ गाउँपालिका वडा नम्बर ५ स्थित वीरेन्द्र ज्योति माध्यामिक विद्यालयका विद्यार्थीलाई ट्रयाक सुट वितरण गरिएको छ । आईतबार सोताङ गाउँपालिका वडा नम्बर ५ को आर्थिक वर्ष २०८१/८२ को विनियोजित बजेट अन्तर्गत ३८९ विद्यार्थीलाई ट्रयाक सुट वितरण गरिएको हो ।
कक्षा १० देखि १२ सम्मका विद्यार्थीलाई जाडो मौसममा न्यानो कपडाले निरन्तर विद्यालय जाने वातावरण बनाउने उदेश्यले कपडा वितरण गरिएको वडा अध्यक्ष मानविर राईले बताउनुभयो । वडा कार्यालयले विगतका आर्थिक वर्ष ०७९/८० देखिनै क्रमागत रूपमा विद्यार्थीहरुलाई पोसाक वितरण गर्दै आइरहेको सहकर्मी मनोज तामाङले जानकारी दिनुभयो ।
जस् अन्तर्गत यस अघिनै वडा भित्रका वीरेन्द्र ज्योति मावि सोताङका कक्षा १–८ का ४३८ जना, बखपलम माविका १७७ जना, हिमालय आधारभूत विद्यालयका १५ जना र लिढुङगा आधारभूत विद्यालयका ६५ जना छात्र, छात्राहरूलाई पोशाक वितरण गरिएको जनाइएको छ ।
Discussion about this post