माघ १३, सोलुखुम्बु । शिक्षक सेवा आयोगको निम्न माध्यमिक तह तृतीय श्रेणिमा नाम निकाल्न सफल सोलुखुम्बुका शिक्षकहरूलाई स्थायी नियुक्ति पत्र प्रदान तथा सपथ ग्रहण गराइएको छ । आईतबार जिल्लाको ८ वटै स्थानीय तहका १४ जना शिक्षकहरूलाई शिक्षा विकास तथा समन्वय इकाई सोलुखुम्बुले स्थायी नियुक्ति पत्र प्रदान गरिएको सूचना अधिकारी प्रकाण्ड न्यौपानेले जानकारी दिनुभयो ।
नियुक्त हुनेहरुमा सोलुदुधकुण्ड नगरपालिकामा १ जना, लिखुपिके गाउँपालिकामा ३ जना सोताङ गाउँपालिकामा १ जना र खुम्बु पासाङल्हामु गाउँपालिकामा २ जना शिक्षक स्थायी पदमा नियुक्ति भएका छन । यस्तै माप्यदुधकोशी गाउँपालिकामा १ जना, नेचासल्यान गाउँपालिकामा १ जना, महाकुलुङ गाउँपालिकामा १ जना र थुलुङ दुधकोशी गाउँपालिकामा ४ जना गरी १४ जना शिक्षकलाई नियुक्ति पत्र प्रदान गरिएको शिक्षा विकास तथा समन्वय इकाई सोलुखुम्बुका प्रमुख पुण्यराज ढगोंलले जानकारी दिनुभयो ।
शिक्षा विकास निर्देशनालय कोशी प्रदेश, धनकुटाको सिफारिस एवं शिक्षा विकास तथा समन्वय इकाई सोलुखुम्बुको निर्णय अनुसार स्थायी पदमा शिक्षा नियमावली २०५९ संशोधन सहितको नियम ९५ र ९६ बमोजिमको अवधि परीक्षण कालमा रहने गरी विद्यालयमा हाजिर भएको मिति देखि तलब भत्ता एवं अन्य सुविधा पाउने गरी स्थानीय तह अन्तर्गतका विद्यालयमा पदस्थापन हुने गरी स्थायी नियुक्ति गरिएको जनाइएको छ ।
Discussion about this post