माघ ११, सोलुखुम्बु । खोटाङको एसेलुखर्क गाउँपालिकामा प्रधानमन्त्री रोजगार कार्यक्रम अन्तर्गत चालू आर्थिक बर्ष २०८१/०८२ मा ५१ लाख रुपैयाँ बढीको बजेटबाट १४ वटा आयोजना सन्चालन गरिएको छ । गाउँपालिकाले चालु आर्थिक बर्ष २०८१/०८२ मा उक्त कार्यक्रम अन्तर्गत नेपाल सरकार स्रोतको रोजगारी सिर्जना शिर्षकमा प्राप्त २३ लाख ८० हजारबाट ६ वटा आयोजनामा ३५ जना र आईडिए स्रोतको रोजगारी सिर्जना शीर्षकमा प्राप्त २७ लाख ३९ हजार बजेटबाट ८ वटा आयोजनामा ४० जनालाइ न्यूनतम १०० दिनको रोजगारिमा खटाइएको हो ।
कुल १४ वटा आयोजनामा कूल ५१ लाख १९ हजार रुपैयाँ बजेट्बाट आ व २०८१/०८२ मा बेरोजगार व्यक्तिमा सूचिकृत भै प्राथमिकताक्रम सूचिमा रहेका बेरोजगार व्यक्तिहरुमध्ये ७५ जना व्यक्तिहरुसङ्ग गाउँपालिकाले वडा वडामा गइ आयोजना सम्झौता गरी गत पौष ११ गतेबाटै रोजगारिमा खटाइएको रोजगार संयोजक किर्ती कुमार राईले बताउनुभयो । १४ वटा आयोजनामध्ये ११ वटा आयोजना सडक सोलिङ, ग्यावियन बक्स फिलिङ र ३ वटा आयोजना पैदल मार्ग मर्मत गर्ने रहेका छन ।
आयोजनालाइ दीगो र गुणस्तरीय बनाउन प्राविधिक लागत अनुमान प्रतिवेदन अनुसार ग्यावियन बक्स तारजाली गाउँपालिकाले लागत साझेदारी गरेको छ । रोजगारलाई न्यूनतम रोजगारीको प्रत्याभूति दिन तथा सामुदायिक पूर्वाधारको विकासमार्फत नागरिकको जीवनयापनमा सुधार ल्याउन कार्यक्रमले महत्वपुर्ण भूमिका खेल्ने उहाँको दाबी छ । गाउँपालिकाले गत आर्थिक बर्ष ५३ लाख ६९ हजार रुपौयाँ ज्याला खर्च भुक्तानि गरेको थियो ।
उहाँका अनुसार आई।डि।ए। स्रोतको ९ वटा आयोजनामा बेरोजगार सूचीमा सूचिकृत ४० जना बेरोजगार व्यक्तिहरुलाई राजगारीमा खटाई २६ लाख ८५ हजार ज्याला भुक्तानी गरिएकोमा ३ हजार ९ सय २६ दिन रोजगारी सिर्जना भएको थियो । त्यसै गरि नेपाल सरकार स्रोत अन्तरगतको ६ वटा आयोजनामा ४० जनालाई रोजगारिमा खटाई २६ लाख ८० ज्याला भुक्तानी गरिएकोमा जसबाट ३ हजार ९ सय १९ दिन रोजगारि सिर्जना भएको थियो ।
उक्त योजनाहरुलाई दिगो र गुणस्तरीय बनाउनका लागी ११ वटा योजनामा ५४८ थान ग्यावियन बक्स गाउँपालिकासँग लागत साझेदारी गरी कुल ९ हजार ६६ दशमलव ५ घनमिटर ग्याविन बक्स फिलिङ गरिएको र १ हजार १ सय दुई दशमलव ७ मिटर लम्बाई, औषत ३ दशमलव ५ मिटर चौडाई, शुन्य दशमलव १५ मिटर उचाईको ५ सय ७८ दशमलव ७९ घनमिटर सडक सोलिङ गरिएको गाउँपालिकाले जनाएको छ ।
Discussion about this post