माघ १४, सोलुुखुम्बु । ट्रेकिङ एजेन्सिज एसोसिएसन अफ नेपाल (टान) का वरिष्ठ उपाध्यक्ष, टिएस डब्लुका संस्थापक कर्मा शेर्पाले नेचासल्यानका बालबालिकालाई झोला वितरण गर्नुभएको छ । सोमबार कालीका आधारभूत विद्यालय नेचाका ७५ जना विद्यार्थीलाई झोला वितरण गर्नुभएको हो ।
शेर्पाले लामो समयदेखि सोलुखुम्बुको भौगोलिक विकटताका गाउँवस्तीहरुमा समाजसेवा गर्दै आउनुभएको छ । झोला वितरण गर्दै बालबालिकाको शिक्षा जारी राख्न र पढाइमा प्रेरणा दिन महत्त्वपूर्ण भूमिका खेल्ने विचार व्यक्त गर्नुभयो ।
उक्त कार्यक्रममा कांग्रे युवा नेता नबिन थापा, चन्द्र आचार्य, शिक्षक अशोक शर्मा, र केदार विद्यालयका व्यवस्थापन समितिका अध्यक्ष हेमराज शर्मा तथा कार्यपालिकाका सदस्यहरू, स्थानीय अभिभावक लगायतको उपस्थिति रहेको थियो । यस कार्यक्रम बाबु राम आचार्यद्वारा समन्वय गरिएको वरिष्ठ उपाध्यक्ष शेर्पाले बताउनुभयो ।
Discussion about this post