केपिलासगढी गाउँपालिकाको राष्ट्रपति रनिङ शिल्डको उपाधि पृथ्वी माविले उचाल्यो

माघ १४, सोलुखूम्बु । खोटाङको केपिलासगढी गाउँपालिकामा सम्पन्न अन्तर माध्यमिक विद्यालय राष्ट्रपति रनिङ शिल्ड प्रतियोगिताको उपाधि पृथ्वी माध्यमिक विद्यालय बाक्सिलाले उचालेको छ । गाउँपालिकाको आयोजनामा बाक्सिलास्थित पृथ्वी माविको खेलमैदानमा माघ ११ गतेबाट सुरु भएको प्रतियोगिता सोमबार सम्पन्न भएको हो । ११ स्वर्ण, ८ रजत र १० कास्य (कराते र तेक्वान्दो समेत गर्दा कुल २६ स्वर्ण, २१ रजत र २५ कास्य) पदक जित्दै पृथ्वी माविले उपाधी उचाल्न सफल भएको हो । यो सगै पृथ्वी माध्यमिक बिद्यालयले लगातार ३ पल्ट प्रथम हुँदै रनिङ शिल्ड पच गरेको छ ।

यस्तै प्रतियोगितामा ८ स्वर्ण ३ रजत र १ काश्य जित्दै शुक्रजित माध्यमिक बिद्यालय दोश्रो र ३ स्वर्ण, ६ रजत र १ कास्य जित्दै जालपा माध्यमिक बिद्यालय तेस्रो भएको आयोजकले जनाएको छ । महिला ऐथ्लेक्टिस प्रतियोगिता तर्फ जालपा माविका छात्रा अस्मिता खत्री ३ स्वर्ण, १ रजत र १ कास्य पदक जितेकी छिन् । पुरुष ऐथ्लेक्टिस प्रतियोगिता तर्फ शुक्रजित माविका छात्र शन्देश वि.कले ५ स्वर्ण, १ रजत र १ कास्य पदक जितेका छन् ।

यस्तै महिला भलिबल तर्फ शुक्रजित मावि दिविशा राई र पुरुष तर्फ कुहुडाँडा माविका निशान राईले हात पारेको आयोजकले जनाएको छ । समापन कार्यक्रमा बोल्दै गाउँपालिका अध्यक्ष समिर राईले शिक्षाको गुणस्तर अभिबृद्धिका लागि आफु नेतृत्वको सरकारकाले काम गरिरहेको बताउनु भएको छ । उहाँले सामुदायीक विद्यलायको पढाई सुधार गर्न आफु हरदम क्रियाशिल रहेको उल्लेख गर्नुभयो । वहाँले पालिकाको विकासका लागि आफुले विभिन्न तहका सरकारसँग समन्वय गरेर करोडौँको बजेट ल्याएको भन्दै पालिकाबासिको बृहत एकताले मात्रै केपिलासगढीले समृद्धि हाँसिल गर्ने धारणा राख्नु भयो ।