हिमाल दर्शन माविको स्वर्ण जयन्ती शुरु, दुई मन्त्रिले गरे उद्घाटन

हिमाल दर्शन मावि नेचासल्यानको स्वर्ण जयन्ती कार्यक्रम शुरु भएको छ । नेचासल्यान ३ स्थित विद्यालय प्राङ्गणमा आयोजित कार्यक्रममा संघिय सरकारका भौतिक योजना मन्त्रि देवेन्द्र दाहाल र रक्षा मन्त्रि मानवीर राईले संयुक्त रुपमा उद्घाटन गर्नुभएको हो ।
विब्यस अध्यक्ष ओमप्रसाद बाँस्तोलाको सभापतित्वमा भएको भब्य कार्यक्रमका विच दुई मन्त्रिले स्वर्ण जयन्तीको उद्घाटन तथा स्वर्ण स्तम्भको अनावरण गर्नु भएको हो । कार्यक्रममा बोल्दै प्रमुख अतिथि तथा भौतिक पुर्वाधार मन्त्रि देवेन्द्र दाहालले ५० बर्षको अवधिमा हिमाल दर्शनले देशका लागि हजारौँ कर्मठ ब्यक्तिहरु उत्पादन गरेको भन्दै विद्याललयको प्रशंसा गर्नु भयो । उहाँले जिल्लाको विकासको लागि ओखल्ढुंगाबाट सोलु हुँदै खोटाङ जोड्ने स्वर्ण सगरमाथा मार्ग स्तरउन्नती र तिंला – नेचा जोड्ने सडकको स्तरउन्नतीको लागि बजेट विनियोजन गर्ने प्रतिबद्धता गर्नु भयो ।

कार्यक्रममा रक्षामन्त्री मानवीर राईले जिल्लाको शैक्षिक क्षेत्रको विकासमा हिमाल दर्शनको ठूलो योगदान रहेको भन्दै आफ्नो कार्यकालमा जिल्लाको समग्र विकासका लागि कुनै कसर बाँकी नराख्ने बताउनु भयो । मन्त्रि राईले सडक र पुर्वाधारको विकास आफ्नो प्राथमिक्तामा रहेको धारणा राख्नु भयो ।
नेचासल्यान गाउँपालिका अध्यक्ष धनजन राईले शिक्षा क्षेत्रको गुणस्तर अभिबृद्धि गर्न स्थानीय सरकार लागि परेको भन्दै शिक्षा क्षेत्रमा भएको करोडौँको लगानीको प्रतिफल दिन शिक्षक, ब्यवस्थापन समिति र सरोकारवाला गम्भिर बन्नु पर्नेमा जोड दिनु भयो । अध्यक्ष राईले दुई मन्त्रिहरु समक्ष पालिका जोड्ने महत्वका सडकहरुको स्तरउन्नतीमा बजेट बिनियोजन गर्न आग्रह गर्नु भयो ।
पालिका उपाध्यक्ष विना राईले ५० बर्षमा महत्वपूर्ण उपलब्धि हाँसिल गरेकोमा हिमाल दर्शनलाई बधाई दिँदै सामुदायीक विद्यालयको स्तर बृद्धि गर्न संघिय सरकारले ऐन र नितिगत सुधारको क्षेत्रमा काम गर्नु पर्ने आवश्यक्ता औँल्याउनु भयो । उपाध्यक्ष राईले पालिकाको विकासका लागि आफु सिंहदरबारका हरेक मन्त्रालय धाएको भन्दै स्वर्ण सगरमाथा सडकको स्तरउन्नतीको लागि बजेट विनियोजन गर्न माग गर्नु भयो । विद्यालयका प्रधानाध्यापक लालप्रसाद बाँस्तोलाले स्वागत मन्तब्य राख्दै विद्यालयले अझ गुणस्तर अभिबृद्धिका लागि ठोस रणनिति बनाएर अगाडी बढ्ने बताउनु भयो ।
कार्यक्रममा अक्षयकोष दाता, चन्दादाता लगायत विभिन्न क्षेत्रमा सहयोग गर्नेहरुलाई सम्मान गरिएको छ । सो अवसरमा विभिन्न सरोकारवालाले विद्यालयको योगादनको प्रशंसा गरेका थिए । स्वर्ण जयन्ती अन्तर्गत भोलीबाट विभिन्न प्रतियोगीतात्मक कार्यक्रम शुरु हुने सहायक प्रधानाध्यापक प्रकास राईले जानकारी दिनुभयो ।