कुलुङ परम्परा अनुसार महाकुलुङ गाउँपालिकाको प्रशानकीय भवन शिलान्यास

माघ १५, सोलुखुम्बु । सोलुखुम्बुको महाकुलुङ गाउँपालिकाको प्रशासकिय भवन कुलुङ परम्परा अनुसार शिलान्यास गरिएको छ । मंगलबार गाउँपालिका अध्यक्ष सुर्य बहादुर कुलुङको अध्यक्षतामा स्थानीय परम्परागत अनुसार साइत अनुसार शिलान्यास गरिएको हो । स्थानीय पुर्बाधार बिभागको ६० प्रतिशत र गाउँपालिकाको ४० प्रतिशत गरी कुल १० करोड ५ लाख ८१ हजार ८१ रुपैयाँ लागतमा २१ मिटर लम्बाई र १४ मिटर चौडाईको ४ तले सुविधा सम्पन्न भवन निर्माण हुने सहकर्मी झलक राईले जानकारी दिनुभयो ।

लामो समयदेखि गाविसको पुरानो भवनबाट सेवा प्रवाह गर्दै आएको पालिकाले नयाँ प्रशासकीय भवन निर्माण थालेको हो । बिः के एस के कन्ट्र्सनले १८ महिना भित्र निर्माण सम्पन्न गरी पालिकालाई हस्तान्तरण गरिने बताईएको छ । भवन शिलान्यास गर्दै अध्यक्ष कुलुङले भवन निर्माणपछि गाउँपालिकाका सबै शाखा एउटै भवनमा रहने र प्रदान गरिने सेवासमेत प्रभावकारी हुने बताउनुभयो । गाउँपालिकाका निमिक्त प्रमुख प्रशासकीय अधिकृत खरिधन राईले विकाससँग जोडिएको प्रशासकीय भवन निर्माण गर्न सबैको सहयोग र साथ आवश्यक रहेको बताउनुभयो ।