नेपाल राष्ट्रिय कर्मचारी संगठन निजामती सोलुखुम्बुको अध्यक्षमा युवराज शर्मा

माघ १७, सोलुखुम्बु । नेपाल निजामती कर्मचारी सङ्गठन जिल्ला कार्यसमिति सोलुखुम्बुको अध्यक्षमा युवराज शर्मा चयन हुनुभएको छ । नेकपा (एमाले) निकट कर्मचारी संगठनको १२ औँ अधिवेशनले सर्वसम्मत रूपमा नयाँ नेतृत्व चयन गरेको हो । संगठनको उपाध्यक्षमा उमा देवी राई सचिवमा लक्ष्मण कार्की, सहसचिवमा विनोद निरौला र कोषाध्यक्षमा मनोज कुमार महतो सर्वसम्मत चयन हुनुभएको छ । प्रदेश प्रतिनिधिमा शरणलाल दास केवरत चयन हुनुभएको छ ।

यस्तै केन्द्रीय प्रतिनिधिमा छत्र बहादुर खड्का, फडिन्द्र खत्री, महेश भण्डारी, रेखा राजभण्डारी, गङ्गा बहादुर कटवाल चयन हुनुभएको छ । अधिवेशन नेपाल निजामती कर्मचारी सङ्गठन जिल्ला कार्यसमिति सोलुखुम्बुका निवर्तमान अध्यक्ष छत्र खड्काको अध्यक्षता, नेपाल निजामती कर्मचारी सङ्गठनका केन्द्रीय उपाध्यक्ष प्रभास शाहको प्रमुख आतिथ्यता साथै कोशी प्रदेशका पूर्व मन्त्री एवं प्रदेश सभा सदस्य बुद्धि कुमार राजभण्डारीको विशेष आतिथ्ययतामा अधिवेशन सम्पन्न भएको जनाइएको छ ।