गृहमन्त्रीले संसदमा विष बमन गरे ः डिला सङ्ग्रौला

जेठ ८, साेलुखुम्बु ।  नेपाली कांग्रेसका केन्द्रिय सदस्य डिला सङ्ग्रौलाले कांग्रेस जनताको श्रम र पसिनाको सम्मान गर्ने पार्टी भएको बताउनुभएको छ ।  रेडियो एभरेष्टको कार्यक्रम एभरेष्ट संवादमा कुराकानी गर्दै उहाँले जनताको पैसा अपचलन गरेको सप्रमाण पेश हुदा पनि गृहमन्त्री रबी लामिछानेलाई क्लिनचिट दिइनु दुखद रहेको बताउनुभएको छ ।

सहकारीको रकम अपचलन गरेको आरोप लागेका गृहमन्त्री राबी लामिछानेको छानविनको लागी संसदीय समितिको माग गर्दै आएकोमा सत्तारुढ दलहरू मिलेर लामिछानेको बचाउ गरिरहेको पनि उहाँले जिकिर गर्नुभयो । सोलुखुम्बुमा संगठनको अवस्था बुझ्न र यहाँका कांग्रेस नेताहरूसँगको अन्तरकृयाका लागी सोलुखुम्बु आइपुग्नु भएकी सङ्ग्रौलाले कांग्रेस मजबुत रहेको बताउनुभयो । उहाँले अव कांग्रेसले जनताका मुद्दा उठाउने र जनताकै लागी काम गर्ने पनि बताउनुभयो ।

कांग्रेसलाई सत्ता र शक्तिको लोभ नभएकाले कांग्रेसले प्रतिपक्षमा रहँदा होस वा सत्तामा रहँदा नागरिकको हितका लागी काम गरिरहेको जिकिर गर्नुभएको छ । पछिल्लो राजनैतिक घटनाक्रमले देशमा नैराश्यता उत्पन्न भएको भन्दै उहाँले अहिलेको निर्वाचन प्रणालीलाई संविधान संशोधन गरेर परिवर्तन गर्नुपर्ने आवश्यकता औँल्याउनुभयो । उहाँले आउने निर्वाचनमा कांग्रेसले एक्लै निर्वाचन लड्ने र कसैसँग गठबन्धन नगर्ने पनि जिकिर गर्नुभयो ।