खुम्बु स्थित थामे गुम्बकाे छानो हावाले उडायो, टिनका पाता छरप्रस्ट 

माघ २४, सोलुखुम्बु ।  सोलुखुम्बुको थामेमा अवस्थित एक गुम्बाको छानो हावाले उडाइदिएको छ ।  जिल्लाको खुम्बु पासाङल्हामु गाउँपालिका वडा नम्बर ५ थामेमा रहेको गुम्बाको छानो हावाले उडाएको हो ।  गएराती आएको बाढीले थामे गुम्बाकाे छानो उडाएको जिल्ला प्रहरी कार्यालय सोलुखुम्बुले जनाएको छ ।

कार्यालयका प्रमुख द्वारिका प्रसाद घिमिरेका अनुसार गएरात आएको हावाहुरीले थामे गुम्बाको छानामा लगाइएको ७ वटा  टिको पाता उडाएको हो ।  छाना उडाएको जानकारी आएपछि इलाका प्रहरी कार्यालय थामेबाट गएको प्रहरी टोलीले निरीक्षण गर्दा मानवीय वा पशु चौपाया क्षति नभएको पाइएको जनाइएको छ  । यसअघि पनि हावाहुरीले जिल्लामा एक वटा गुम्बाको छाना उडाएको थियो भने धेरै वटा घरको छाना उडाइसकेको छ ।