खुम्बुमा कुकुर बन्ध्याकरण तथा रेबिज खोप कार्यक्रम जारी

जेठ ८, सोलुखुम्बु । सोलुखुम्बुको खुम्बु पासाङल्हामु गाउँपालिकामा सामुदायिक तथा घरपालुवा कुकुर बन्ध्याकरण तथा रेबिज खोप कार्यक्रम सञ्चालन भइरहेको छ । गाउँपालिकाको आर्थिक वर्ष २०८०÷८१ को वार्षिक स्वीकृत कार्यक्रम १० लाख रुपैँया बजेट विनियोजन गरी कुकुरहरुको बन्ध्याकरण तथा रेबिज खोप कार्यक्रम संचालन गरिएको पशु शाखाले जनाएको छ ।

गत जेठ २ गतेबाट सुरु भएको शिविरको पहिलो दिन खुम्बु पासाङल्हामु गाउँपालिका वडा नम्बर १ स्थित खरिखोला, बुक्सा र पैँयामा ३० वटा कुकुरको बन्ध्याकरण गरिएको छ, भने ४१ वटा कुकुरलाई रेबिज विरुद्धको खोप लगाइएको छ । यस्तै हिजो सोमबार वडा नम्बर २ स्थित सुर्के र लुक्लामा २६ वटा कुकुरको बन्ध्याकरण र ६८ कुकुरलाई रेबिज विरुद्धको खोप लगाइएको छ ।

खुम्बु प्रवेश गर्ने पर्यटक तथा भरीयासँग पछ्याउदै आएका कुकुरहरु जथाभावी छाड्ने भएकाले जोखिम निम्तने भन्दै शिविर संचालन गरिएको पशु विकास शाखाका पशु विकास अधिकृत डा.नगेन्द्र खड्काले जानकारी दिनुभयो । उक्त शिविर गाउँपालिकाको ५ वटै वडामा यहीँ बैशाख २८ गते सम्म जारी रहने पशु विकास शाखाले रेडियो एभरेष्टलाई जानकारी दिनुभएको छ ।