कानुनी रूपमै छुट्टिए एलिना र विष्णु, एलिना लेख्छीन “शरीरको मिलनमात्र विवाह हैन रहेछ”

माघ २९, सोलुखुम्बु ।  लामो समय प्रेम सम्बन्धमा रहेर वैवाहिक जीवनमा बाँधिएका एलिना चौहान र विष्णु सापकोटा कानुनी रूपमै अलग भएका छन् ।  केही समयअघि सम्बन्धमा खटपट भएको खवर छताछुल्ल भएपछि सार्वजनिक भएको उनीहरूको वैवाहिक जीवन अव कानूनी रूपमै अलग भएको हो ।  गायिका चौहानले अष्ट्रेलियामा रहँदै आएका सापकोटासँग विवाह गरेको एक वर्षमै उनीहरू छुट्टिएका हुन । मङ्गलबार गायिका चौहानले सामाजिक सञ्जाल फेसबुकमा साझा गर्दै कानुनी रुपमा अलग भएको जानकारी गराएकी छन । उनले फेसबुकमा लेखेकी छन् …..प्रिय विष्णु,
अग्निलाई साक्षी राखेर ७ फेरा लगाउँदा गलेका खुट्टाहरू अझै उस्तै छन् ।
तिम्रो हातले रङ्गिएको मेरो सिउँदो अनि सिन्दुरका डोबहरू अझै उस्तै छन्।
तिम्रा नाममा लगाएका हातभरिको चुरा अनि छिनछिन आवाज अझै उस्तै छन्।
हामीलाई दुईबाट एक बनाएको सेतो लगनको गाँठो अझै उस्तै छ । “उनि लेख्छीन ”
वडा कार्यालयमा गएर बनाएको हाम्रो विवाहदर्ताको प्रमाणपत्र अझै उस्तै नयाँ छ।
तर फेरा, चुरा, सिन्दुर, लगनगाँठो, विवाहदर्ता र शारीरिक मिलन मात्रै विवाह होईन रहेछ।
भावनात्मक मिलन, आपसी विश्वास र समझदारी नै विवाहको मुख्य प्राण रहेछ।
जुन रहेन अनि हाम्रो सम्बन्धमा अल्पायु मै पुर्णविराम लागेको छ। यो रहरले होईन। जुन बाध्यता तिमि, मलाई र भगवानलाई मात्र थाहा छ।
आजदेखी स्वतन्त्र भएर कानुनी रुपमै आ–आफ्नो गन्तव्य तय गर्न बाटो खुलेको छ।
पत्नीका रुपमा अधिकारले मैले पाउने सम्पत्ति तिम्रै प्रगति र उन्नतिका लागि छोडेको छु।
तिमीलाई बाँकी जीवनको धेरै धेरै शुभकामना बिष्णु ।