दक्षिण कोरियामा सगरमाथाको बदलिँदो अवस्था विषयक अन्तकृया हुने

फागुन २, सोलुखुम्बु । दक्षिण कोरियामा सगरमाथाको बद्लिदो अवस्थाको विषयमा अन्तरकृया कार्यक्रम हुने भएको छ   । सोलुखुम्बु सेवा समाज दक्षिण कोरियाको आयोजनामा आगामी फेब्रुअरी १६ अर्थात फाल्गुन ४ गते उक्त कार्यक्रम हुन लागेको हो । सर्वोच्च शिखर सगरमाथा हाम्रो सान, प्रवासीहरूको सहयोगमा सामाजिक अभियान भन्ने नारा सहित जलवायु परिवर्तनका कारण विश्वको सर्वोच्च शिखर सगरमाथामा परिरहेको असर र यसको अवस्थाको विषयमा कोरियामा रहेका नेपालीहरूसँग सगरमाथा प्रदुशण नियन्त्रण समिति लगायत पदाधिकारीसँग अन्तरकृया हुनलागेको जनाइएको छ ।

 दक्षिण कोरियाका लागी नेपाली राजदूत शिव माया तुम्बाहाम्फेको प्रमुख आतिथ्यतामा कार्यक्रम हुन लागेको सोलुखुम्बु सेवा समाज दक्षिण कोरियाका सचिव मनिश थापाले बताउनुभयो ।  सगरमाथा प्रदुषण नियन्त्रण समितिका अध्यक्ष लामाकाजी शेर्पा लगायतलाई सम्मान सहित हिमाली क्षेत्रमा बदलिँदो अवस्थाको विषयमा अन्तरकृया हुन लागेको सोलुखुम्बु सेवा समाज दक्षिण कोरियाले जनाएको छ ।  आइसफल डाक्टरको रुपमा रहेर लामो समय देखी हिमाली क्षेत्रमा विशेष गरि सगरमाथा क्षेत्रमा काम गर्ने समिति अध्यक्ष लगायत पदाधिकारीलाई सम्मान गरिने जनाइएको छ ।