आदिवासी जनजातिको हक र हितको संरक्षण तथा सम्बर्धनका लागि आफू सधै प्रतिबद्ध छु : अध्यक्ष पेम्बा शेर्पा

फागुन ३, सोलुखुम्बु । नेपाल आदिवासी जनजाती महासंघ सोलुखुम्बुका अध्यक्ष पेम्बा शेर्पाले आदिवासी जनजातिको हक र हितको संरक्षण तथा सम्बर्धनका लागि आफू सधै प्रतिबद्ध रहेको बताउनुभएको छ । शुक्रबार सम्पन्न दोस्रो जिल्ला अधिवेशनले शेर्पाको अध्यक्षतामा ११ सदस्य कार्यसमिति चयन भएसँगै उहाँले यस्तो प्रतिबद्धता व्यक्त गर्नुभएको हो ।

उनीहरुलाई राज्यको मूलधारमा ल्याएर कुनै पनि किसिमको अवसरबाट बञ्चित हुन नदिन सबै एक जुट भएर काम गर्न सम्र्पुणमा आग्रह गर्नुभएको छ । दोस्रो जिल्ला अधिवेशनले उपाध्यक्षमा राधिका श्रेष्ठ, कमला राई, दिपक सुनुवार र सन्त बहादुर बुढाथोकी मगर चयन हुनुभएको छ ।

यस्तै सचिवमा नव बहादुर भुजेल, कोषअध्यक्षमा धर्मबहादुर तामाङ, सहसचिवमा लिला खवार, छोगिमाया तामाङ र फुलकुमारी मगर चयन हुनुभएको हो । नेपाल आदिवासी जनजाती महासंघ संङगठन विभागका प्रमुख युवराज जिरेलको प्रमुख आतिथ्यतामा अधिवेशन सम्पन्न गरिएको जनाइएको छ ।