सिद्धिचरणले ग¥यो निशंखे बजारमा डस्टबिन वितरण 

फागुन ३, ओखलढुङ्गा । ओखलढुङ्गाको सिद्धिचरण नगरपालिका वडा नम्बर २ निशंखेमा फोहोर व्यवस्थापनका लागी डस्टबिन वितरण गरिएको छ ।  नगरपालिकाको आर्थिक सहयोगमा निशंखे बजारको फोहोर व्यवस्थापनका लागी डस्टबिन वितरण गरिएको हो ।  सिद्धिचरण नगरपालिकाका मेयर तेजन खनालको उपस्थितिमा नगरपालिकाको २ लाख रुपैयाँ लागतका डस्टबिन बजार क्षेत्रमा व्यवस्थापन गरिएको छ ।  

नगरक्षेत्रलाई सफा र सुन्दर राख्न नगरपालिकाले फोहार व्यवस्थापनका लागी बजेट विनियोजन गरेरै काम गरिरहेको मेयर खनालले उल्लेख गर्नुभयो । यस्तै उपमेयर केदार बाबु बस्नेतले बजार क्षेत्रलाई सफा र सुन्दर राखेर नयाँ सन्देश दिनुपर्ने बताउनुभयो ।  वितरण गरिएका डस्टवीनलाई सही सदुपयोग गर्दै उचित व्यवस्थापन गरिने निसङ्खे बजार फोहोर व्यवस्थापन समितिका अध्यक्ष दीपक कुमार फुँयालको भनाई छ ।