थुलुङ दुधकोशी : पन्चनमा लिफ्टीङ खानेपानी आयोजना, अध्यक्ष राईको पहलमा ३९ करोड बजेट सुनिश्चित

फागुन ४, सोलुखुम्बु । सोलुखुम्बुको थुलुङ दुधकोशी गाउँपालिकामा खानेपानी योजना सञ्चालनका लागी ३९ करोड रुपैयाँ बजेटको श्रोत सुनिश्चित भएको छ । गाउँपालिकाको वडा नम्बर ३ पञ्चनबासीको खानेपानीको समस्यालाई हल गर्न अध्यक्ष असिम राईको पहलमा बजेटको श्रोत सुनिश्चित गरिएको हो । जिल्लाकै सुख्खाग्रस्त क्षेत्रको रुपमा रहेको पन्चनमा खानेपानी समस्या हल गर्नका लागी अध्यक्ष राईको पहलमा सङ्घीय खानेपानी आयोजना खोटाङबाट ३९ करोड रुपैयाँ बजेटको श्रोत सुनिश्चित भएसँगै लिफ्टीङ खानेपानी आयोजना सञ्चालनका लागी काम सुरु भएको जनाइएको छ ।

पञ्चनबासीको खानेपानी सम्बन्धीहरु समस्याको समाधान हुनेगरि काम सुरु भएको गाउँपालिका अध्यक्ष राईले बताउनुभयो ।  उहाँले गाउँपालिकाको मात्रै नभएर जिल्लाकै सुख्खाग्रस्त क्षेत्र पञ्चनमा दुधकोशीको पानी लिफ्टीङ प्रविधिबाट खसाल्ने योजनाका लागी काम अगाढी बढिसकेको बताउनुभयो ।  

विकासकै महत्वपूर्ण अङ्गको रुपमा रहेको पालिकाकाे खानेपानी समस्या समाधानका लागी आफूले प्राथमिकतामा राखेर काम गरिरहेकाे उहाँले उल्लेख गर्नुभयो । आयोजना सञ्चालनका लागि सङ्घीय खानेपानी आयोजना खोटाङका प्रमुख सुनिल तिवारी, खानेपानी व्यवस्थापन बोर्ड थुलुङ दुधकोशी गाउँपालिका संयोजक तथा ७ नम्बर वडा अध्यक्ष भोजराज कार्की, वडा नम्बर ३ का वडा अध्यक्ष इन्द्रमणि दाहाल, प्राविधिक सरण कुमार राई सहित अन्य पञ्चाबासी सरोकारवालाहरू बिच छलफल भएको गाउँपालिकाका प्रवक्ता भोजराज कार्कीले बताउनुभयो ।