खुम्बुमा सौर्य प्रणाली सहितको विद्यालय भवन निर्माण

माघ ४, सोलुखुम्बु । हिमाली जिल्ला सोलुखुम्बुको खुम्बु पासाङल्हामु गाउँपालिकामा सौर्य प्रणाली सहितको विद्यालय भवनको उदघाटन गरिएको छ । बढ्दो विद्यार्थीको संख्यालाई मध्यनजर गर्दै लुक्ला आधारभुत विद्यालयमा ७.४ किलोमिटरको सौर्य प्रणाली सहितको ६ कोठे भवनको उद्धघाटन गरिएको हो ।

गाउँपालिका र क्यास रुम इन द क्लाउटको सयुक्त लगानीमा निर्माण भएको सोलार पावर सिस्टम सहितको विद्यालय भवनको उद्धघाटन शनिवार गाउँपालिका अध्यक्ष मिङमा छिरि शेर्पाले गर्नुभएको हो । उक्त भवनको हरेक कोठामा पुस्ताकलय र स्माट बोर्डको व्यवस्था गरिएको पालिका प्रवक्ता लाक्पा छिरी शेर्पाले जानकारी दिनुभयो । भवन आरसीसी स्टक्चर द्धारा निर्माण गरिएको छ ।

भवनको सम्पुर्ण संरचना डबल क्याभिटि वाल रहेको छ । फ्लोर र सिलिङ मा हाइ डेनसिटि एक्सपिएस, लो डेनसिटि ईपिएस, ग्लास वुल र युभि प्रोटेक्सनको कम्बाइनेसन मा इन्सुलेसन गरिएको छ साथै सम्पुर्ण झ्याल डबल ग्लायज्ड सिस्टम को रहेको छ । साथै सम्पुर्ण कक्षामा फस्ट एड, मिनि लाईब्रेरी र स्माट बोर्ड जडान गरिएको छ । सुविधा सम्पन्न भवनले गुणस्तरीय शिक्षा प्रदान गर्नमा महत्वपूर्ण टेवा पुग्ने विश्वास लिइएको छ ।