अमेरिकामा शितलहरको कहर, मृत्यु हुनेको संख्या १३ पुग्यो

फागुन ०६, साेलुखुम्बु ।   सप्ताहन्तमा आएको बाढीपछि अमेरिकाका धेरै भागहरूमा सहनै नसक्ने चिसोको कहर छ । पूर्वी अमेरिकापछि ध्रुवीय भोर्टेक्सले रकी पर्वत र उत्तरी मैदानहरूलाई आफ्नो चपेटामा पारेको छ । यसमा परेर कम्तीमा १३ जनाको मृत्यु भएको छ ।

राष्ट्रिय मौसम सेवाले सोमबार उत्तरी डकोटाका केही भागको तापक्रम माइनस ५१ डिग्री सेल्सियस र मोन्टानाको केही भागको तापक्रम माइनस ४६ डिग्री सेल्सियस पुगेको बताएको छ ।

क्यानाडाको सिमानादेखि ओक्लाहोमा र मध्य टेक्साससम्म फैलिएका ११ अमेरिकी राज्यहरूमा अत्यधिक चिसोको चेतावनी जारी गरिएको छ ।