कार्यसम्पादन मूल्याङ्कनमा रक्षा मन्त्री राई तेस्रो, कुन मन्त्रीले कति पाए अकं ?

फागुन ७, सोलुखुम्बु । प्रधानमन्त्री केपी शर्मा ओली नेतृत्वको बर्तमान सरकारका मन्त्रीहरुमध्ये रक्षामन्त्री मानबीर राई कार्यसम्पादन मूल्यांकनमा तेस्रो स्थान हासिल गर्न सफल हुनुभएको छ । प्रधानमन्त्री कार्यालय सहित अधिकांश मन्त्रालय र कार्यालयहरुको वार्षिक कार्ययोजना अनुसारका क्रियाकलाप र माइलस्टोनलाई एकीकृत अनुगमन प्रणालीमा प्रविष्ट गरी गरिएको विश्लेषणका आधारमा प्रधानमन्त्री तथा मन्त्रिपरिषद्को कार्यालयले सार्वजनिक गरेको प्रतिबेदन ६९ अंक प्राप्त गरि रक्षामन्त्री राई तेस्रो बन्न सफल हुनुभएको हो ।

चालू आर्थिक वर्षको अर्धवार्षिक नतिजा अनुसार कानुनमन्त्री अजय चौरसिया पहिलो र पर्यटनमन्त्री बद्री पाण्डे दोश्रो हुनुभएको छ । यस्तै चौरसियाले १०० र पाण्डेले ८०. ५५ अंक प्राप्त गरेको प्रतिबेदनमा उल्लेख छ। प्रतिबेदनमा उल्लेख भए अनुसार गृहमन्त्री रमेश लेखकले ५२.६, उद्योगमन्त्री दामोदर भण्डारी ४८.१,ऊर्जा दीपक खड्काले ४७.७, परराष्ट्रमन्त्री आरजु राणा ४२.९, स्वास्थ्यमन्त्री प्रदीप पौडेलले ४०.९,अर्थमन्त्री बिष्णु पौडेल ३९.२,वनमन्त्री ऐनबहादुर शाही ३६.६५ नम्बर प्राप्त गरेको उल्लेख छ।

यसैगरी,भूमि ब्यबस्था तथा सहकारी मन्त्री बलराम अधिकारीले ३३.३५,कृषिमन्त्री रामनाथ अधिकारीले २९.४,सहरी बिकासमन्त्री प्रकाशमान सिंहले २६.२५,संघीय मामिलामन्त्री राजकुमार गुप्ताले २५,शिक्षामन्त्री विद्या भट्टराईले २४.५५,खानेपानी मन्त्री प्रदीप यादव २३.३५,श्रम तथा रोजगारमन्त्री शरतसिंह भण्डारीले १८.७५, सञ्चार तथा सूचना प्रबिधिमन्त्री पृथ्वीसुब्बा गुरुङले १८.१५,युवा तथा खेलकुदमन्त्री तेजुलाल चौधरीले १५.३, महिला तथा बालबालिका मन्त्री नवलकिशोर साह १०.७ र सबैभन्दा कम भौतिक योजना तथा निर्माण मन्त्री देवेन्द्र दाहालले ७.९ अंक प्राप्त गरेको प्रतिबेदनमा उल्लेख छ।

प्रतिबेदनमा उल्लेख भए अनुसार प्रधानमन्त्री तथा मन्त्रीपरिषद कार्यालयले समेत बार्षिक कार्ययोजना अनुसार काम गर्न सकेको छैन।सो कार्यालयले २८.५ अंक मात्र प्राप्त गरेको उल्लेख गरिएको छ ।