नेपाल शिक्षक संघ नेचासल्यानको दोस्रो प्रतिनिधि सभा सम्पन्न

फागुन ७, सोलुखुम्बु । नेपाल शिक्षक संघ नेचासल्यान गाउँपालिकाको दोस्रो प्रतिनिधिसभा विविध कार्यक्रमका साथ सम्पन्न भएको छ । बुधबार नेचासल्यान स्थानीइ कार्य समिति नेपाल शिक्षक संघको आयोजनामा हिमाल दर्शन माविको चादनी सभाहलमा कार्यक्रम सम्पन्न भएको हो ।

कार्यक्रममा नेचासल्यान गाउँपालिका अध्यक्ष धनजन राईले शिक्षाको लगानीलाई कसरी परिणाममुखी बनाउने चिन्ता सबैमा रहेको बताउनुभयो । शिक्षक संगठन भित्र बसेर वर्गिय, बिषयगत कुरा र शैक्षिक गुणस्तरका कुरालाई ध्यानमा राख्दै सबै एक जुट भएर अगाडी बढ्न सम्पुर्णमा आग्रह गर्नुभएको छ । यस्तै गाउँपालिकाकी उपाध्यक्ष विना राईले शिक्षक संघ, शिक्षक महासंघ, स्थानीय सरकार, विद्यालय प्रशासनले शिक्षाको गुणस्तर बृद्धिका लागि फरक कदम चाल्नु पर्नेमा जोड दिनुभएको छ ।

यसैगरी शिक्षक संघका जिल्ला अध्यक्ष मदन कुमार राईले जिल्लामा शिक्षक संघ लगायत अन्य दलका शुभेछुक सगंठनहरु भन्दा डबल सदस्यता भएकोले सोलुखुम्बुकै एक अबल र पहिलो संगठनको रुपमा रहेको दाबी गर्नुभयो । स्थानीय शिक्षक संघ नेचासल्यान कार्यसमिति अध्यक्ष बेदनाथ बास्तोलाको अध्यक्षतामा सप्पन्न भएको दोस्रो प्रतिनिधि सभामा उपस्थित वक्ता संगठन विभाग प्रमुख चन्द्र आचार्य, शिक्षक महासंघ सोलुखुम्बुका अध्यक्ष एवम् हिमाल दर्शन माविका प्रअ लालप्रसाद बास्तोला लगायतले आआफ्नो शुभकामना मन्तव्य राखेका थिए ।