लिखुपिके गाउँपालिकाका करिब ३५ जना किसानलाई भेटेनरी सम्बन्धि तालिम

फागुन ९, सोलुखुम्बु । सोलुखुम्बुको लिखुपिके गाउँपालिकामा ३ दिने भेटेनरी सम्बन्धि तालिम सम्पन्न भएको छ । फागुन ७ गतेबाट गाउँपालिकाको सभाहलमा संचालन गरिएको तालिम शुक्रबार सम्पन्न भएको हो ।

पालिका भित्रका कृषकहरुको जिवन स्तरलाई वृद्धि गर्ने उदेश्यले गाउँपालिका र जिल्ला भेटनरी अस्पताल सोलुखुम्बुको सहकार्यमा तालिम आयोजना गरिएको गाउँपालिकाले जनाएको छ ।

समापन कार्यक्रममा गाउँपालिकाकी अध्यक्ष मिना कार्की बस्नेतले किसानहरुले पालेको पशुहरुमा देखिएको समस्याहरु पहिचान गर्न सहज भएको बताउनुभएको छ । कृषिप्रधान मुलुकमा किसानहरुले पनि कृषिमा नै प्राथमिकता दिनुपर्नेमा जोड दिनुभएको छ । उक्त तालिममा करिब ३५ जना किसानहरुको सहभागिता रहेको थियोे ।