न्यूनतम रोजगारीमा संलग्न हुन निवेदन दिन बराहपोखरी गाउँपालिकाको आह्वान

फागुन १२, सोलुखुम्बु । खोटाङको बराहपोखरी गाउँपालिकाले न्युनतम रोगजारीमा संलग्न हुनको लागि गाउँपालिकामा निबेदन दिन बेरोजगार नागरिकहरुलाई अनुरोध गरेको छ । गाउँपालिकाले एक सुचना प्रकाशन गरि १८ देखि ५९ बर्ष उमेरका बेरोजगार व्यक्तिहरुले २०८१ फागुन मसान्त भित्रमा आफुले स्थायी बसोबास गरेको वडा कार्यालयमा बेरोजगार व्यक्तिको सूचीमा सूचीकृत हुन निवेदन दिनुहुन अनुरोध गरेको हो ।

रोजगारीको हक सम्बन्धी ऐन, २०७५ को दफा ११, रोजगारीको हक सम्बन्धी नियमावली, २०७५ (दोस्रो संसोधन, २०७७ सहित) को नियम ७ र प्रधानमन्त्री रोजगार कार्यक्रम सञ्चालन निर्देशिका, २०७५(दोस्रो संसोधन, २०७८ सहित), को दफा १८ बमोजिम आगामी आ.व. २०८२/०८३ को लागि निवेदन दिन आग्रह गरिएको छ ।

बराहपोखरी गाउँपालिकाको रोजगार सेवा केन्द्रको समन्वयमा प्रदान गरिने एक सय दिन बराबरको न्यूनतम रोजगारीमा संलग्न भई सामुदायिक तथा अन्य विकास निर्माणका काममा योगदान गर्न ईच्छुक बेरोजगार व्यक्तिहरुले फागुन मसान्त भित्रमा आफुले स्थायी बसोबास गरेको वडा कार्यालयमा बेरोजगार व्यक्तिको सूचीमा सूचीकृत हुन निवेदन दिनुहुन प्रमुख प्रशासकीय अधिकृत दिल कुमार अधिकारीलेद्धारा प्रकाशित सुचनामा जनाईएको छ ।

निवेदन दिनका एक आर्थिक बर्षमा न्यूनतम एक सय दिन रोजगारीमा संलग्न नभएका, नेपाल सरकारले तोकेको न्यूनतम बार्षिक आय भन्दा कम आम्दानी रहेका, कामका लागि पारिश्रमिकमा आधारित सामुदायिक आयोजनामा संलग्न भई काम गर्न ईच्छुक परिवारका व्यक्तिहरु हुनुपर्ने गाउँपालिकाका प्रमुख प्रशासकीय अधिकृत अधिकारीले बताउनुभयो ।