शेर्पा विद्यार्थी सङ्घ ओखलढुङ्गाले ४ जना विद्यार्थीलाई छात्रवृत्ति दिने,  १ सय १० लाई दियो शैक्षिक सामाग्री 

फागुन १३, सोलुखुम्बु । नेपाल शेर्पा विद्यार्थी सङ्घ अ‍ेखलढुंगाले  १ सय १० विद्यार्थीलाई शैक्षिक सामाग्री वितरण गरेको छ ।  २ दिन अघिमात्रै अधिवेशन सम्पन्न गरि नयाँ नेतृत्व चयन गरेको सङ्घको नयाँ नेतृत्वले मङ्गलबार १ सय १० विद्यार्थीलाई विभिन्न शैक्षिक सामाग्री वितरण गरेको हो ।  सङ्घले जिल्लाको खिजीदेम्बा गाउँपालिकाको शिवालय माविका १ सय १० विद्यार्थीलाई शैक्षिक सामाग्रीहरू कपि, डटपेन, किरिङ लगायतका वितरण गरेको हो ।  सङ्घका नवनिर्वाचित अध्यक्ष फुरी शेर्पाको नेतृत्वमा १४ जना शिक्षकलाई समेत डायरी र डटपेन वितरण गरिएको जनाइएका छ ।  यस्तै नेपाल शेर्पा विद्यार्थी सङ्घले ओखलढुङ्गाले शिवालय माविका ४ जना विद्यार्थीलाई छात्रवृत्ति प्रदान गर्ने भएको छ ।  अध्यक्ष शेर्पाले ३ जना विद्यार्थीलाई ५० प्रतिशत छात्रवृत्ति प्रदान गरिने जानकारी दिनुभएको छ भने १ जना लाई शतप्रतिशत छात्रवृत्ति प्रदान गरिने उहाँको भनाई छ ।