फागुन १३, सोलुखुम्बु । उदयपुरको कटारी नगरपालिका वडा नम्बर १४ स्थित शैक्षिक तपोभूमि चन्द्रावती माविमा हाजिरी जवाफ प्रतियोगिता सम्पन्न भएको छ । फागुन १२ र १३ गते आयोजना गरिएको वडा स्तरीय मावि तथा आवि स्तरीय हाजिरी जवाफ प्रतियोगिता वडा अध्यक्ष अमर बहादुर मगरको प्रमुख आतिथ्यतामा सम्पन्न भएको हो ।
बाल प्रतिभाको उत्साह उमङ्ग जोस र ऊर्जा थपिदिने हेतुले यस्ता कार्यक्रमहरू समय समयमा आयोजना गर्नु गरिएको चन्द्रावती माविका प्रधानाध्यापक वेदबिक्रम हमालले बताउनुभयो । सो प्रतियोगितामा चन्द्रावती मावि लेखानी प्रथम, जनप्रभात आधारभूत विद्यालय किन्दु दोस्रो, बाल विकास आधारभूत विद्यालय चनौट तेस्रो र आधारभूत विद्यालय माझखानी सान्त्वना भएको सहकर्मी ठविन्द्र मगरले जानकारी दिनुभयो । प्रतियोगिहरुलाई वडाध्यक्ष अम्बर बहादुर मगरले पुरस्कार वितरण गर्नुभएको भएको छ ।
कार्यक्रमको समापन पछि फोटो सेसन लगायतका रोचक र आकर्षक कार्यक्रमहरु पनि समावेश गरी सभ्य र शानदार रूपमा कार्यक्रम सम्पन्न भएको थियो । उक्त प्रतियोगितामा वडा कार्यालयका कर्मचारी, विभिन्न विद्यालयका प्रधानाध्यापक, शिक्षक प्रतिनिधि लगायतको उपस्थिती रहेको थियो ।
Discussion about this post