जिम्बिर जोडेनी सामुदायिक वनमा डढेलो, नियन्त्रणको प्रयास जारी

फागुन १४, सोलुखुम्बु । सोलुखुम्बुको नेचासल्यान गाउँपालिका वडा नम्बर १ स्थित जिम्बिर जोडेनी सामुदायिक वनमा डढेलो लागेको छ । आज दिउँसो २ : १५ बजेको समय डढेलो लागेको जिल्ला प्रहरी कार्यालय सोलुखुम्बुले जनाएको छ । आगलागी भएको प्रहरी चौकी केरुङ (पत्ताले) मा जानकारी प्राप्त हुन साथ अस्थाई प्रहरी चौकी सल्यान, अस्थाई प्रहरी चौकी रमितेबाट प्रहरीको टोली र शसस्त्र प्रहरी बल, सल्लेरीबाट प्रहरीको टोली खटि गई प्रहरी र स्थानीयबासीहरुको सहयोगमा आगो निभाउने कार्य भईरहेको जिल्ला प्रहरी कार्यालय सोलुखुम्बुका प्रहरी नायव उपरीक्षक द्धारिका प्रसाद घिमिरेले जानकारी दिनुभयो ।