जमरकट्टेलहरुको राष्ट्रिय भेला नेचामा सम्पन्न, डा.शम्भु जमरकट्टेलकाे अध्यक्षतामा तदर्थ समिति बन्यो

फागुन १६, सोलुखुम्बु ।  भारद्वाज गोत्रीय जमरकट्टेल जमकट्टेल, कट्टेल, कटेल) हरुको राष्ट्रिय सम्मेलनले डा. शम्भु कट्टेलको अध्यक्षतामा २७ सदस्यीय केन्द्रिय तदर्थ समिति गठन गरेको छ । सम्मेलनले तदर्थ समितिको उपाध्यक्ष द्वयमा लोचन कटेल र मोहन कटेल लाई चयन गरेको छ । यस्तै एक महासचिवमा थिर प्रसाद कटे, सचिवमा अविकिशोर कटेल,, कोषाध्यक्षमा रोमन जमरकटेल चयन गरेको छ । विहिबारबाट सोलुखुम्बुको नेचासल्यान गाउँपालिकामा सुरु भएको राष्ट्रिय सम्मेलनले ९ बुँदे नेचा घोषणापत्र जारी गर्दै राष्ट्रिय सम्मेलन सम्पन्न गरेको छ ।

 देशभरका भारद्वाज गोत्रीय जमरकट्टेलहरुको एकताका निम्ती नेचामा आयोजना गरिएको सम्मेलनले गत असोज ५ गते काठमाण्डौमा गरिएको बन्धु भेलाद्धारा जारी काठमाण्डौ घोषणा पत्र अनुमोदन गर्दै पहिला स्थापना भएका विभिन्न बन्धु सङ्घसंस्थाहरूलाई नियमानुसार केन्द्रिय कार्यसमितिमा एककीरण गर्ने, संसारभर रहेका बनधुहरुलाई केन्द्रिय सूचना प्रणालीको विकास गरि अद्यवधकि गर्ने वंशावली प्रकाशनका लागी यसअघि गठन भएको समितिलाई विघटन गरि वंशावली संसोधन, परिमार्जन र अद्यावत्रीक गरि दोश्रो संस्करणको प्रकाशनका लागी नवनिर्मित कार्यसमितिले उपसमिति गठन गरि सोमप्रसाद जमरकटेलको संयोजकत्वमा वंशावली खोज, अनुसन्धान तथा सम्पादन समिति गठन गर्ने घोषणा गरेको छ ।  

यस्तै संस्थाको नाम, विधान, केन्द्रिय कार्यालय तय गर्न नवगठित कार्यसमितिलाई जिम्मेवारी दिने, जमरकट्टेलहरुको ऐतिहासिक बसोबास स्थल लमजुङ मध्येनेपाल नगरपालिका ८ ज्यामिरबोटेमा भारद्वाज ऋषी शिलाको पुरातात्वीक खोज अनुसन्धान गर्न पुरातत्व विभाग सँग समन्वय गर्ने संकल्प पनि सम्मेलनले गरेको छ ।

बन्धुहरुको संस्कार संस्कृति र अज्य कुलविशेष परम्पराहरुको खोज गरि पुस्तक प्रकाशन गर्ने लगायतका घोषणा नेचा सम्मेलनले गरेको जमकट्टेल सेवा प्रतिष्ठान नेपालका अध्यक्ष राष्ट्रिय सम्मेलनका सभाध्यक्ष देवेन्द्र जमकट्टेलले बताउनुभयो ।