महाकुलुङ स्थित मध्ये हुँगु खोला बि को आईईई सम्पन्न

फागुन १७, सोलुखुम्बु ।  सोलुखुम्बुको महाकुलुङ गाउँपालिकामा सञ्चालित मध्य  होगु खोला“ बि“ १३२ केभिए बिद्युुत प्रसारण लाइन आयोजना मस्यौदा प्रारम्भिक वातावरणीय परीक्षण प्रतिवेदनको सार्वजनिक सुनुवाई कार्यक्रम सम्पन्न छ । महाकुलुङ गाउँपालिकाका उपाध्यक्ष विपना कुलुङको प्रमुख आतिथ्यतामा सम्पन्न सार्वजनिक सुनुवाइका क्रममा गाउँपालिकाको वडा नम्बर २ का अध्यक्ष प्रदिप कुलुङ, ३ का वडा अध्यक्ष दुर्गा बहादुर राई, वडा नम्बर ४ का अध्यक्ष सरस्वती कुलुङ र  वडा नम्बर ५ का अध्यक्ष महलसिंह राईको उपस्थिति रहेको थियो ।

 यस्तै सार्वजनिक सुनुवाइका क्रममा सो जलविद्युत आयोजनाका प्रतिनिधिले निर्माणको क्रममा हुन सक्ने सम्भावित वातावरणीय प्रभाव, विनाश र त्यसको न्यूनिकरणका उपायहरूको बारेमा छलफल भएको सहकर्मी झलक राईले बताउनुभयो ।  उक्त क्रममा आयोजना प्रभावित भित्र पर्ने सोताङ गाउँपालिकाका सरोकारवालाहरु , कम्पनीको पदाधिकारी र प्रतिनिधिहरू, इलाका प्रहरी कार्यालय सोताङ, सब डिभिजन वन कार्यालय सोताङ, आयोजक एपेक्स मकालु हाइड्रोपावर लिमिटेड नक्साल ५  काठमाडौँ र परामर्शदाता इन्भारोमेन्ट्ल पाट्र्नर्स प्रा.लि किर्तिपुर , काठमाडौ उपस्थितिहरुमा मस्यौदा प्रारम्भिक वातावरणीय परीक्षण प्रतिवेदन माथि सार्वजनिक सुनुवाइ गरेका थिए ।  

मध्य होगु खोला ए जलविद्युत आयोजनाबाट उत्पादन हुने २२ मेगावाट विद्युत ऊर्जालाई करिब ५ दशमलव ६ लम्बाइको १३२ के. भि सिंगल सर्किट प्रसारण लाइनबाट मध्य होगु खोला बि जलविद्युत आयोजनाको स्वीचयार्डमा जोडने गरि आयोजनाको काम हुने उहाँको भनाई छ । सार्वजनिक सुनुवाइका क्रममा जलविद्युत आयोजना सञ्चालन गर्दा हुने वातावरणीय विनाशको लागी वृक्षारोपण गर्ने, प्रभावित समुदायको कला संस्कृति तथा नागरिक संवेदनशीलतालाई जोगाउन विभिन्न कार्यक्रमहरू गर्नुपर्ने लगायतका सुझाव आयोजनालाई दिइएको छ ।