फागुन १८, सोलुखुम्बु । सोलुखुम्बुको लिखुपिके गाउँपालिका वडा नम्बर ३ फुर्केचौरमा आगलागी भएको छ । आईताबार दिउँसो करिब १ बजेको समयमा रुद बहादुर खत्रीको ढुगां, माटो र टिनको छानो भएको २ तले घरमा आगलागी भएको हो । उक्त घर भाडामा लिई लखुपिके गाउँपालिकाको प्राविधिक शाखा स्टोर, प्रधानमन्त्री रोजगार शाखाको सेवा प्रवाह हुदै आएको थियो ।
घरमा बिजुलीको तार सर्ट भई आगलागी हुन पुगेको जिल्ला प्रहरी कार्यालय सोलुखुम्बुका प्रहरी नायव उपरीक्षक द्धारिका प्रसाद घिमिरेले जानकारी दिनुभयो । आगलागी भएको खरब प्राप्त हुन साथ प्रहरी चौकी चौलाखर्कबाट खटिएको प्रहरीको टोली गई स्थानीयबासीहरुको सक्रियतामा आगो नियन्त्रणमा ल्याउने काम भईरहेको उहाँको भनाई छ । आगलागीबाट मानविय क्षतिका नभएको र अन्य क्षतिको विवरण आउन बाकीँ रहेको प्रहरीले छ ।
Discussion about this post