फागुन १८, सोलुखुम्बु । सोलुखुम्बुको थुलुङ दुधकोशी गाउँपालिकामा प्रध्यानाध्यपक तथा विद्यालय व्यवस्थापन समितिका अध्यक्षलाई गाउँपालिकाले नियुक्ती पत्र प्रदान गरेको छ । आईतबार गाउँपालिकाको शिक्षा ऐन २०७५ बमोजिम प्रधानाध्यापक तथा विव्यस अध्यक्षलाई पालिका अध्यक्ष असिम राईले आवश्यक निर्देशन सहित नियुक्ती प्रत्र प्रदान गर्नुभएको हो ।
नियुक्ति पत्र लिने नवनियुक्त प्रधानाध्यापकहरुमा जीवन ज्योती माध्यमिक विद्यालय नेलेका दयराज बस्नेत र कालिका देवि माध्यमिक विद्यालय पन्चनका प्रकाश थुलुङ राईलाई निर्देशन सहित नियुक्ती पत्र प्रदान गरिएको गाउँपालिका प्रवक्ता भोजराज कार्कीले जानकारी दिनुभयो ।
यस्तै विद्यालय व्यवस्थापन समितीका अध्यक्षहरुमा बुद्व आधारभुत विद्यालय जुबुका मछिन्द्र तामाङ र पैराथाम आधारभुत विद्यालय पचनका टेकनाथ पराजुली रहनुभएको छ ।
Discussion about this post