थुलुङ दुधकाेशीले जारी गर्यो शैक्षिक श्वेत पत्र २०८१, के के छन् त मार्गदर्शन ?

फागुन १८, सोलुखुम्बु । सोलुखुम्बुको थुलुङ दुधकोशी गाउँपालिकाले श्वेत पत्र २०८१ जारी गरेको छ ।  गाउँपालिकाले यसअघि २०८१ सालमा जारी गरेको शैक्षिक श्वेतपत्रलाई परिमार्जन गर्दै २०८१ सालका लागी अर्को श्वेतपत्र जारी गरेको हो ।  गाउँपालिका अध्यक्ष असिम राईले हाम्राे विद्यालय राम्राे विद्यालय, गराैँ प्रयास राम्राे अभ्यास भन्ने नारा सहित गत जेठ २१ गते जारी गरेको श्वेतपत्रमा थप परिमार्जन गरि श्वेत पत्र ८१ जारी गर्नुभएको गाउँपालिकाले जनाएको छ ।

 यसअघि जारी गरिएको श्वेत पत्रको प्रभावकारिता र कार्यान्वयनको पाटोको समीक्षा गर्दै नयाँ श्वेतपत्र जारी गरिएको अध्यक्ष राईले बताउनुभयो ।  श्वेतपत्र मार्फत गाउँपालिकाले शैक्षिक क्षेत्रलाई थप व्यवस्थीत र परिणाममुखी बनाउन खोजेको देखिन्छ । जसका लागी गाउँपालिकाले विद्यालयमा विद्यार्थी, शिक्षक तथा विद्यालय कर्मचारीहरू बिहान ठिक ९ः ४५ मा उपस्थित हुनपर्ने श्वेतपत्रमा उल्लेख गरेको छ ।  

यस्तै विद्यार्थीको सिकाइ सक्षमतालाई सुनिश्चित गराउने, एक शिक्षक एक पाठ्यक्रमको नारालाई अनिवार्य कार्यान्वयन गराउउने, शिक्षण सिकाइ क्रियाकलापमा प्रविधिको प्रयोगलाई उच्च प्राथमिकता दिने, एक विद्यालय एक फूलबारी कार्यक्रम कार्यान्वयन गराउने, एक शिक्षक एक पाठ्यक्रम नारालाई अनिवार्य कार्यान्वयन गर्ने श्वेतपत्रमा उल्लदेख गरिएको छ ।

 यस्तै बालक्लब गठन गरि विद्यार्थीलाई नेतृत्वदायी भूमिकामा अग्रसर गराउने, गाउँपालिकालाई पत्रु खाना निषेधित क्षेत्र घोषणा गर्न पत्रु खाना बन्देज गर्ने लगायत २१ बुँदे श्वेत पत्र परिमार्जित जारी गरिएको हो ।  

हेराैँ श्वेतपत्रकाे पूर्णपाठ…