फागुन १९, साेलुखुम्बु । विराटनगर महानगरपालिकाको वडा ७ का सदस्यले मादक पदार्थ सेवन (मापसे) गरेर चलाएको स्कुटर दुर्घटना हुँदा एक जनाको मृत्यु भएको छ।
प्रहरीका अनुसार वडा सदस्य ५१ वर्षीय कल्याण लामिछानेले चलाएको को २९ प ७०८२ नम्बरको स्कुटर सडकमा रोकेर राखेको ट्रकमा ठोक्किएको थियो। हाटखोलास्थित भित्री सडकछेउ रोकेर राखिएको बागमती प्रदेश ०३–००१ ख १७१२ नम्बरको ट्रकमा उक्त स्कुटर ठोक्किएको थियो।
फागुन ११ गते रातिको घटनामा चालक लामिछाने र पछाडि बसेका स्थानीय ५० वर्षीय किरण तिवारी घाइते भएका थिए। न्युरो अस्पतालमा उपचार हुँदै गर्दा आइतबार बिहान तिवारीको मृत्यु भएको मोरङ प्रहरीका प्रवक्ता डीएसपी वेदप्रकाश जोशीले जानकारी दिनुभयाे ।
लामिछानेको सोही अस्पतालमा उपचार भइरहेको छ। परीक्षणका क्रममा उनले मापसे गरेर स्कुटर चलाएको खुलेको प्रहरीले जनाएको छ।
Discussion about this post