११५औं अन्तर्राष्टिय महिला दिवसको अवसरमा सोताङमा बक्तृत्वकला प्रतियोगिता

फागुन २५, सोलुखुम्बु । मिलीजुली महिला बचत तथा ऋण सहकारी संस्था लिमिटेड सोताङद्धारा आयोजित बक्तृत्वकला प्रतियोगिता सम्पन्न भएको छ । सोताङ गाउँपालिकाको आर्थिक सहयोगमा ११५औं अन्तर्राष्टिय महिला दिवसको अवसरमा आयोजना गरिएको प्रतियोगिता सम्पन्न भएको हो ।

दिवसको अवसरमा पालिका भित्रका महिला समुहहरु बीच “समाज परिवर्तनमा महिलाको भुमिका” शीर्षकमा बक्तृत्वकला प्रतियोगिता आयोजना गरिएको सहकर्मी मनोज तामाङले जानकारी दिनुभयो । शनिबार सम्पन्न प्रतियोगितामा मखमली महिला समूह सोताङ १ प्रथम, प्रगतिशील महिला समूह सोताङ ५ द्धितिय, चन्द्र ज्योति महिला समूह सोताङ ३ तृतीय र गोदावरी महिला समूह सोताङ ४ सान्त्वना भएको समूहका अध्यक्ष मनसरी राईले बताउनुभयो ।

प्रतियोगितामा प्रथम, द्धितीय, तृतीय र सान्तवना हुने समूहहरूले कर कट्टी सहित नगद १० हजार, ८ हजार, ६ हजार र ४ हजार नगदको साथमा प्रमाणपत्र प्राप्त गरेका छन् । गाउँपालिका उपाध्यक्ष अन्जु नाछिरिङ राईको प्रमुख आतिथ्य, वडा नं १ का वडा अध्यक्ष जङ्ग बहादुर गुरुङ, वडा नं २ का अध्यक्ष श्याम कुमार खालिङ को विशिष्ट आतिथ्य र समूहका अध्यक्ष मनसरी राईको अध्यक्षतामा कार्यक्रम सम्पन्न भएको थियो ।