सोलुमा जिल्लास्तर उन्नत प्रविधि तथा कृषि यान्त्रिकरण मर्मत सम्बन्धी तीन दिने तालिम सुरु

फागुन २६, सोलुखुम्बु । जिल्लास्तर उन्नत प्रविधि तथा कृषि यान्त्रिकरण मर्मत सम्बन्धी तीन दिने तालिम सोलुखुम्बुमा सुरु भएको छ । कृषकहरुलाई नयाँ प्रविधि प्रयोगमा अब्बल बनाउनका लागि प्रधानमन्त्री कृषि आधुनिकीकरण परियोजना परियोजना कार्यन्वयन एकाई ओखलढुगांको आयोजनामा उक्त तालिम सुरु गरिएको हो ।

सोमबार प्रधानमन्त्री कृषि आधुनिकीकरण परियोजना परियोजना कार्यन्वयन एकाई ओखलढुगांका प्रमुख हेम बहादुर आले मगरको अध्यक्षता तथा जिल्ला समन्वय समितिका प्रमुख कृष्ण प्रसाद निरौलाको प्रमुख आतिथ्यतामा कृषि ज्ञान केन्द्र सोलुखुम्बुको सभाहलमा तालिम उदघाटन गरिएको छ ।

उदघाटन कार्यक्रममा बोल्दै जिल्ला समन्वय समितिका प्रमुख कृष्ण प्रसाद निरौलाले सरकारले कृषि क्षेत्रमा ठूलो लगानी गरे पनि उत्पादनमा आत्मनिर्भर बन्न नसकेको चर्चा गर्दै उहाँले उत्पादन बढाउन उन्नत प्रविधि विकासमा विशेष जोड दिनुपर्ने बताउनुभयो । साथै आफुले जिल्लाको कृषि क्षेत्रलाई पहिलो प्राथमिकतामा राख्दै आएको उल्लेख गर्नुभएको छ ।

यस्तै प्रधानमन्त्री कृषि आधुनिकीकरण परियोजना परियोजना कार्यन्वयन एकाई ओखलढुगांका प्रमुख हेम बहादुर आले मगरले जिल्लास्तर तालिमले कृषकहरुको ज्ञान, सिप र क्षमतामा अभिवृद्धि भई कृषि उत्पादनमा टेवा पुग्ने र कृषि यन्त्र उपकरणमा प्रयोग प्रभावकारी आउने बताउनुभयो ।

तालिममा सैद्धान्तिक तथा व्यवहारिक अध्ययन गराई प्रशिक्षण गराईले प्रधानमन्त्री कृषि आधुनिकीकरण परियोजना परियोजना कार्यान्वयन ओखलढुङ्गा अन्तर्गतको प्राविधिक इकाई सल्लेरीका प्राविधिक सञ्जय बस्नेतले बताउनुभयो । उक्त तालिममा किसानहरुलाई स्याउ, ओखर, किवी, सुन्तला खेतीमा यन्त्रीकरणको बिषयमा जानकारी गराइने भएको छ । २६ जना कृषकहरुको सहभागीता रहेको तालिममा कृषि ज्ञान केन्द्रका प्रमुख दुर्गा बहादुर तिरुवा, रमेश श्रेष्ठ, खगेन्द्र वनले सहजिकरण गरिरहनुभएको छ ।