महाकुलुङ गाउँपालिकामा सकरात्मक सहभागितात्मक योजना तर्जुमा गोष्ठी

फागुन २९, सोलुखुम्बु । सोलुखुम्बुको महाकुलुङ गाउँपालिका वडा नम्बर ५ मा सकरात्मक सहभागितात्मक योजना तर्जुमा गोष्ठी सुरु गरिएको छ । बिहिबार पहाडी बिकास संरक्षण नेपालद्वारा भाबी पर्यटन विकास योजना सम्बन्धि गोष्ठी सुरु गरिएको हो ।

वडा वडामा ५ बर्षिय सपना प्राथमिकिकरण, १० बर्षिय पर्यटन बिकास योजना सम्बन्धि गोष्ठी महाकुलुङ ५ का कार्यबाहक अध्यक्ष सुर्य कुमार राईको अध्यक्षतामा कार्यक्रम सुरु गरिएको सहकर्मी झलक राईले जनाकारी दिनुभयो ।

पर्यटन बिकास र प्रबद्र्धनबारे छलफल गरिने, समुदायमा आधारित पर्यटन प्रबद्र्धनबारे स्थानीय समुदायसङ्ग बिचार, होटल/लज ब्यबसायी पर्यटन ब्यबसाय तथा कृषकहरुसङ्ग सकारात्मक सहभागितात्मक योजना तर्जुमा गोष्ठी विधि मार्फत पर्यटन विकासको कार्ययोजना गरिने लक्ष्य राखिएको छ ।

यस्तै विधिको बारेमा जानकारी गर्न र छलफल गर्न, पर्यटन प्रबद्र्धन योजनाबारे अभ्यास गर्न, स्थानीय तहमा भएका पर्यटन बिकासको सकारात्मक नकारात्मक र पहिचान गर्न साथै पर्यटनको संभावना बिकास योजना कार्यान्वयन गर्न जोड दिने कार्यक्रम तय गरिएको जनाइएको छ । उक्त गोष्ठीमा द पाट्र्नर्स नेपालका अध्यक्ष आङ रिता शेर्पा, सचिव भिम राज राई, संचारर्की लगायत पर्यटन सम्बद सरोकारवालाहरुको उपस्थिति रहेको थियो ।