आयुर्वेद सोलुखुम्बुको अस्पताल व्यवस्थापन समितिको सदस्यमा राई र तामाङ मनोनीत

फागुन २९, सोलुखुम्बु । जिल्ला आयुर्वेद स्वास्थ्य केन्द्र सोलुखुम्बुको अस्पताल व्यवस्थापन समितिको सदस्यमा थुलुङ दुधकोशी गाउँपालिका १ का प्रणय राई र जीतुमाया तामाङलाई मनोनीत गरिएको छ । फागुन १९ गतेको मन्त्री स्तरीय निर्णयानुसार फागुन २३ गते अस्पताल व्यवस्थापन समितिको सदस्य पदमा मनोनीत गरिएको हो ।

कोशी प्रदेश जनस्वास्थ्य ऐन २०७७ को दफा ३१ को उपदफा (१) मा सरकारी अस्पतालको संचालन र व्यवस्थापन गर्न अस्पताल व्यवस्थापन समितिको गठन हुने व्यवस्था भए अनुसार मनोनीत गरिएको जनाइएको छ । तीन बर्ष पदावधि कायम हुने गरी मन्त्रालयले फागुन १९ गतेको मन्त्रिस्तरीय निर्णय अनुसार जनस्वास्थ्य प्रशासक डा. सभ्यता पन्थीले हस्ताक्षर गरिएको पत्रमा उल्लेख गरिएको छ ।