माप्य ६ मा सुरु भयो एमालेको वडा अधिवेशन 

चैत्र २, सोलुखुम्बु । सोलुखुम्बुको माप्य दुधकोशी गाउँपालिका वडा नम्बर ६ को एमाले अधिवेशन तथा जरा केन्द्रित अभियान सुरु भएको छ ।  नेकपा एमालेका प्रदेश कमिटी सदस्य तथा गाउँपालिका अध्यक्ष बुद्धिकिरण राईको प्रमुख आतिथ्यता तथा नेपा एमालेका जिल्ला समिति उपाध्यक्ष आश कुमार राईको विशेष आतिथ्यतामा जरा केन्द्रित अभियान तथा वडा अधिवेशन सुरु भएको हो ।  वडा अधिवेशनले वडा समितिको नयाँ समिति चुन्ने जनाइएको छ ।  एमालेको केन्द्रिय समितिले सुरु गरेको जरा केन्द्रित अभियानलाई समेत सोही कार्यक्रमसँगै गरिएको हो  ।

वडा अधिवेशनका क्रममा वडा नम्बर ६ पुग्नुभएका गाउँपालिmका अध्यक्ष तथा एमाले सोलुखुम्बुका नेता बुद्धिकिरण राईले गाउँपालिकामा सङ्गठन विस्तारको काम वडा नम्बर ६ बाट गरिएको स्मरण गर्दै सो समयको तुलनामा हाल एमाले उक्त वडामा बलियो भएको उल्लेख गर्नुभयो । उहाँले नेकपा एमालेले जितेको पालीका माप्यमा सडक लगायत अन्य विकास अग्रगामी गतिमा भइरहेको उल्लेख गर्नुभयो ।

उहाँले गाउँपालिकाका सिमानाहरुमा पक्की पुल लगाउने प्रतिबद्धता जनाउँदै लामाबगरमा मोटरेवल पुल लगाउने घोषणा गर्नुभयो । यस्तै अध्यक्ष राईले वडामा खानेपानीको समस्या समाधान गर्न काम भइरहेको भन्दै चालु वर्षमै वडाबासीलाई खानेपानीको पूर्ण रुपमा व्यवस्था गराउन लागी परिरहेको उल्लेख गर्नुभयो । उहाँले २०७४ सालमा भोट माग्न आफू आउँदा ११ घण्टा सम्म हिँडेर वडा सम्म आइपुगेको स्मरण गर्दै उहाँले हाल २ घण्टा ३० मिनेटमा वडा नम्बर ६ आइपुगेको भन्दै विकास भएको उल्लेख गर्नुभएको छ ।  अधिवेशनका लागी जिल्ला समितिका उपाध्यक्ष आश कुमार राई लगायत स्थानीय नेता कार्यकर्ताहरु उपस्थति भएका थिए  ।